තරුණියන් 286ක් සමග කැමරාව ඉස්සරහ නරකම ලිංගික ක්‍රියාකාරකම් කළ ජනප්‍රිය පුද්ගයෙක්ට සිදු වූ දේ.(PHOTOS)
Aruna
අතිශය ජනප්‍රිය තරුණ යූ ටියුබ්කරුවකු ලෙස පෙනී සිටිමින් කැමරාව ඉදිරියේ ලිංගික ක්‍රියාකාරකම් සිදු කරන ලෙස ලොව පුරා සිය ගණනාවක තරුණියන් බිය ගැන්වූ පුද්ගලයකුට ඔස්ට්‍රේලියානු අධිකරණයකින් වසර 17ක සිරදඬුවම් නියම කර ඇති බවට විදෙස් මාධ්‍ය වාර්තා ප්‍රකාශ කර සිටිනවා.
මෙලෙස සිරදඬුවම් නියම වූයේ 29 හැවිරිදි මුහම්මද් සයින් උල් අබිදීන් රෂීඩ් නම් පුද්ගලයෙකුට බවයි පැවසෙන්නේ.
විදෙස් මාධ්‍ය වාර්තා තහවුරු කරන්නේ, සුප්‍රසිද්ධ යොවුන් වියේ යූ ටියුබ්කරුවෙකු ලෙස පෙනී සිටි රෂීඩ්, එක්සත් රාජධානිය, එක්සත් ජනපදය, ජපානය සහ ප්‍රංශය ඇතුළු රටවල් 20කින් වින්දිතයන් 286ක් සම්බන්ධ චෝදනා 119ක් පිළිගෙන තිබෙන බවයි.
ළමාවියේදී පාකිස්තානයේ සිට සිය මාපියන් සමඟ ඔස්ට්‍රේලියාවට ගිය මේ පුද්ගලයා ලොව පුරා තරුණියන් රැසක් සමඟ අන්තර්ජාලය ඔස්සේ වීඩියෝ තාක්ෂණය මගින් ලිංගිකත්වය ඉස්මතු වන ආකාරයේ සංවාදවල නිරතව ඇති අතර, පසුව එම සංවාද එම තරුණියන්ගේ පෙම්වතුන්ට හා සමීපතමයන්ට යවන බවට තර්ජනය කරමින් ඔවුන්ට කැමරාව ඉදිරියේ නිරුවත් වන ලෙසට බලපෑම් කර ඇති බවයි, විදෙස් මාධ්‍ය අනාවරණය කර සිටින්නේ.
ඔස්ට්‍රේලියානු බලධාරීන් මෙම නඩුව විස්තර කර ඇත්තේ, රටේ ඉතිහාසයේ "නරකම ලිංගික අපයෝජන සිදුවීම්වලින් එකක්" ලෙසයි.
"මෙම මිනිසා ලොව පුරා වින්දිතයන් කෙරෙහි දක්වන නොසැලකිලිමත්කම සහ ඔවුන්ගේ දුක්ඛිතභාවය, නින්දාව සහ බිය ඕස්ට්‍රේලියාවේ නඩු පවරන ලද ඉතාම බිහිසුණු ලිංගික අපයෝජන නඩුවක් බවට පත් කරයි'' යන්න, ඔස්ට්‍රේලියානු ෆෙඩරල් පොලිසියේ සහකාර කොමසාරිස් ඩේවිඩ් මැක්ලීන් ප්‍රකාශ කර ඇති බවයි විදෙස් මාධ්‍ය වාර්තා පවසන්නේ.
