වැරදි කරපු කිසිදු නිලධාරියෙක් ආරක්ෂා කරන්නේ නෑ - විශේෂ පරීක්ෂණ ආරම්භ කළ බවට පොලීසියෙන් දැනුවත් කිරීමක්

පොලිස් මාධ්‍ය ප්‍රකාශක, සහකාර පොලිස් අධිකාරී එෆ්. යූ. වුට්ලර් මහතා විසින් කිසිදු නිලධාරියෙකු විශේෂයෙන් ආරක්ෂා කිරීමට පොලීසිය කිසිවිටෙකත් කටයුතු නොකරන බවත්, යම් නිලධාරියෙකු වැරදි නම්, අනීතික නම්, සමාජ විරෝධී නම් හෝ නීතිවිරෝධී කටයුත්තකට සම්බන්ධ වන්නේ නම්, ඔවුන්ට විරුද්ධව නීත්‍යානුකූලව මෙන්ම විනයානුකූලව දැඩිව කටයුතු කරන බවත් සඳහන් කරයි.

ඔහු මේ බව සඳහන් කළේ "රටම එකට" ජාතික මෙහෙයුමේ ප්‍රගතිය පිළිබඳව දැනුවත් කිරීමට අද (29) දින පැවති මාධ්‍ය හමුවේදී‍ පසුගිය දිනවල පොලිස් අත්අඩංගුවේ සිටියදී සැකකරුවන් මියයාම සහ තුවාල ලැබීමේ සිදුවීම් සම්බන්ධයෙන් මාධ්‍යවේදීන් නැඟූ ප්‍රශ්නවලට පිළිතුරු දෙමින්.

එමෙන්ම ඔහු සඳහන් කළේ හෝමාගම සිදුවීම සම්බන්ධයෙන් ශ්‍රී ලංකා පොලීසිය මේ වන විට පූර්ණ පරීක්ෂණයක් සහ විමර්ශනයක් ආරම්භ කර ඇති බවත්, සිද්ධියට පෙර දින, සිදුවූ දින සහ පසුදින යන සියලුම සාක්ෂි සටහන් කර ගනිමින් මහේස්ත්‍රාත් අධිකරණය හමුවේ ඒවා මෙහෙයවීමට කටයුතු කරන බවත් ය.

යළි දැනුම් දෙනතුරු ලංකාවට වියළි මිරිස් යවන්න එපා.. මිරිස් කුඩු, කුළු බඩු ආදියෙහි මිල ඉහළ යාමේ අවදානමක්

එමෙන්ම පොලිස්පතිතුමාගේ සෘජු අධීක්ෂණය යටතේ, ආඥා පනතේ 125 වන වගන්තිය යටතේ විශේෂ විමර්ශන කණ්ඩායමකට (බස්නාහිර පළාත් දකුණු කොට්ඨාශයේ විශේෂ කණ්ඩායමක්) මෙම විමර්ශනය පවරා ඇති බව ද සඳහන්. පොලිස් මාධ්‍ය ප්‍රකාශකවරයා එහිදී වැඩිදුරටත් කියා සිටියේ මෙම සිදුවීමට සමඟාමීව හොමාගම මූලස්ථාන පොලිස් පරීක්ෂකවරයාගේ වැඩ තහනම් කිරීම, අපරාධ අංශයේ ස්ථානාධිපතිවරයාගේ වැඩ තහනම් කිරීම, වැටලීම් සඳහා සහාය වූ මත්ද්‍රව්‍ය අංශයේ (Vice OIC) නිලධාරියාගේ වැඩ තහනම් කිරීම සහ පොලිස් කොස්තාපල්වරයෙකුගේ වැඩ තහනම් කිරීම සිදු කර ඇති බවයි.

එසේම කොළඹ දකුණු කොට්ඨාශයේ විමර්ශන ප්‍රතිඵල මත මෙම මරණය සම්බන්ධයෙන් එක් උප පොලිස් පරීක්ෂකවරයෙකු අත්අඩංගුවට ගෙන තිබෙන අතර, ඉදිරි නෛතික කටයුතු ක්‍රියාත්මක කරයි.

උදෑසන 5.30 ට නිකුත් කළ නිවේදනයක් - සුළි කුණාටු අවසන්.. නවතම තත්ත්වය සුබ වෙන ලකුණු

කෙසේ වෙතත් ඒ මහතා වැඩිදුරටත් අවධාරණය ක‍ර ඇත්තේ මෙවැනි අවාසනාවන්ත සිදුවීම් වැළැක්වීමට පොලිස්පතිතුමා විසින් නිරන්තරයෙන් මඟ පෙන්වීම් සිදු කළද, ඇතැම් නිලධාරීන්ගේ නොසැලකිල්ල හේතුවෙන් මෙවැනි දේ සිදුවන බවත්, මින් ඉදිරියට එවැනි දේ වළක්වා ගැනීමට කටයුතු කරන බවත් ය.

එමෙන්ම කොබේගනේ පොලිස් භාරයේ සිටියදී රෝහල්ගත කිරීමෙන් අනතුරුව සැකකරුවෙකු මියයාමේ සිද්ධිය සම්බන්ධයෙන් අදහස් දක්වමින් වුට්ලර් මහතා ප්‍රකාශ කළේ, ගස් බැඳ සිටි අයෙකු පිළිබඳව ලැබුණු තොරතුරක් මත පොලීසිය ගොස් එම සැකකරු අත්අඩංගුවට ගෙන තිබූ බවත් අනතුරුව ඔහු අසනීප තත්ත්වයක් නිසා කුරුණෑගල රෝහලට ඇතුලත් කිරිමේදී ජීවිතක්ෂයට පත්වූ බවත් ය.

එම අවස්ථාවේදී සිවිල් පුරවැසියන් කිහිප දෙනෙකු විසින් සැකකරුට පහරදී ඇති බවට ලැබුණු තොරතුරු මත සිවිල් වැසියන් තිදෙනෙකු ද මේ වන විට අත්අඩංගුවට ගෙන ඇති බව සඳහන්.

සලකපු විදිහ අන්තිම කැතයි.. ලෝකෙම ආදරේ දිනූ කුමාර් සංගක්කාරට සහ පවුලේ අයට කම්පනයක් - සමාජ මාධ්‍ය කැළඹෙයි

ඒ අනුව ඒ සම්බන්ධයෙන්ද කොට්ඨාශ භාර නිලධාරියාගේ සහ මහව සහකාර පොලිස් අධිකාරීවරයාගේ අධීක්ෂණය යටතේ විශේෂ පරීක්ෂණයක් ආරම්භ කර ඇති බව ඔහු සඳහන් කළා.

එසේම ත්‍රිකුණාමල පොලිස් භාරයේ සිටි සැකකරුවන් තිදෙනෙකුට සිදුව ඇති කැපුම් තුවාල සම්බන්ධයෙන් මාධ්‍යවේදීන් නැඟූ පැනයට පිළිතුරු දෙමින්, ඒ පිළිබඳව කොට්ඨාශ භාර නිලධාරියාගෙන් වාර්තාවක් කැඳවා තිබෙන බවත්, එය ලැබුණු පසු ඒ ගැන දැනුම් දෙන බවත් පොලිස් මාධ්‍ය ප්‍රකාශකවරයා වැඩිදුරටත් පවසා ඇත.

ශ්‍රී ලන්කන් ගුවන් යානයක් අනතුරට - කුරුල්ලෙකු ගැටීම නිසා ගුවන් යානයේ දෝෂයක් - අනූනවයෙන් බේරුණු ගුවන් යානය