"..මම ආයෙ මේ සභාවට එන්නෙ නෑ.." පාර්ලිමේන්තු සභාව එපා වූ මන්ත්‍රී

සමගි ජන බලවේගයේ පාර්ලිමේන්තු මන්ත්‍රීවරු අද (06) සභාගර්භයේ දී නොසන්සුන් ලෙස හැසිරීම හේතුවෙන් කථානායකවරයා විසින් විපක්ෂ නායකවරයාට ඔවුන් ව පාලනය කරගන්නා මෙන් පැවසීය.

එහිදී නැගී සිටි සමගි ජන බලවේගයේ අනුරාධපුර දිස්ත්‍රික් පාර්ලිමේන්තු මන්ත්‍රී රෝහණ බණ්ඩාර මහතා පවසා සිටියේ, තමා මීට පසු සභාගර්භයට පැමිණීමෙන් වැළකී සිටින බවය.

එහිදී වැඩිදුරටත් අදහස් දැක්වු පාර්ලිමේන්තු මන්ත්‍රී රෝහණ බණ්ඩාර මහතා,

"ඊයේ හැදුවා "හොරා ගෝ ගම" කියලා. අපිටත් ලැජ්ජයි හොරු එක්ක ඉන්න. ඒ නිසා මම අද තීරණය කරනවා විශ්වාසභංගය තියෙන මොහොතේ ඇරුණම මම ආය මේ සභාවට සහභාගී වෙන්නේ නෑ."