ගණිකාවන් ලියාපදිංචි කරන්න - පෙරපාසලේ ඉදන් පාසල දක්වා ලිංගික අධ්‍යාපනය දෙන්න

මහාචාර්ය නීතිඥ ප්‍රතිභා මහානාමහේවා මහතා පවසන්නේ ලංකාවේ ලිංගික ශ්‍රමිකයින් අසූ දහසකට (80,000) අධික පිරිසක් සිටින බව සමීක්ෂණයකින් හෙළි වී ඇති බවයි.

එමෙන්ම ඔහු මාධ්‍යට ඔවුන් සියලු දෙනා ලියාපදිංචි කර නෛතික පාලනයට නතු කළ යුතු බවත් පැවසුවේය.

හෙට හවස වෙනකම් මේ පැති වලට අනතුරක්

ප්‍රජා ශක්ති සංවර්ධන පදනම මගින් ඊයේ කොළඹ ග්‍රෑන්ඩ් ඔරියන්ටල් හෝටලයේදී පවත්වන ලද මාධ්‍ය හමුවේදී මහාචාර්‌ය වරයා වැඩිදුරටත් පවසා ඇත්තේ පාසල හරහා ලිංගික අධ්‍යාපනය මීට වඩා ප්‍රචලිත කළයුතු බවත් ලිංගික ශ්‍රමිකයින්ට මූලික මිනිස් අයිතිවාසිකම් තිබිය යුතු බවත්ය.

එමෙන්ම ලිංගික ශ්‍රමිකයින් ලෙස කටයුතු කරන කාන්තාවන්, පුරුෂයින් යම් පිළිගැනීමකට ලක්කළ යුතු බවද මේ වන විට ලිංගික ශ්‍රමිකයින් සියයට 95 ක්ම කොන්ඩම් භාවිත කරන බව ද වෛද්‍ය හරිස්චන්ද්‍ර පනන්දාවල මහතා පැවසුවේය.

අ.පො.ස.උසස් පෙළ විභාගය ගැන අති විශේෂ නිවේදනයක්

එබැවින් මේ වන විට ලිංගික ශ්‍රමිකයින් බොහෝ දෙනකු ආරක්ෂිත ක්‍රම භාවිත කරන බවත්, එබැවින් සමාජ රෝග ද අඩු වී ඇති බව ඔහු අවධාරණය කළේය. පෙර පාසල් අධ්‍යාපනයේ යෙදෙන දරුවන්ට, ප්‍රාථමික අංශයේ අධ්‍යාපනයේ යෙදෙන දරුවන්ට, ඊට ඉහළ පන්තිවල ඉගෙන ගන්නා දරුවන්ට වෙන වෙනම ලිංගික අධ්‍යාපනය ඉගැන්වීම අත්‍යාවශ්‍ය බවත් බොහෝ පාසල් දරුවන් ලිංගික අවයව ගැන, ලිංගික ක්‍රියාවලිය ගැන දැනුවත් නොමැති බවත් ඔහු පැවසුවේය.

එමෙන්ම ප්‍රජා ශක්ති සංවර්ධන පදනමේ විධායක අධ්‍යක්ෂ එච්. ඒ. ලක්ෂ්මන් මහතා සඳහන් කළේ ලිංගික ශ්‍රමික කාන්තාවන් කොන් කිරීම හා නොසලකා හැරීම නොමැතිව සමාජගත කිරීම සඳහා සියලු දෙනා හැඩ ගැසිය යුතු බවත් දැනටමත් තම පදනම කොළඹ, කුරුණෑගල, හම්බන්තොට දිස්ත්‍රික්කවල ලිංගික ශ්‍රමිකයින් දස දහසක පිරිසක් සමග වැඩකටයුතු කරගෙන යන බවත්ය.   

කොළඹට විශේෂ නිවේදනයක්