ආපදා හේතුවෙන් 5,000ක් පීඩාවට

දිවයිනේ දිස්ත්‍රික්ක කිහිපයකට බලපා ඇති අධික වර්ෂාව ඇතුළු ආපදා තත්ත්වය හේතුවෙන් පීඩාවට පත්වූ සමස්ත ජනගහනය 5,000 ඉක්මවා ඇති බව ආපදා කළමනාකරණ මධ්‍යස්ථානය (DMC) නිවේදනය කර තිබේ.

අද (2026 මැයි 16) නිකුත් කළ නවතම වාර්තාවලට අනුව, පවුල් 1,574කට අයත් පුද්ගලයින් 5,242 දෙනෙකු මේ වන විට විවිධ ආපදා තත්ත්වයන්ට මුහුණ දී සිටිති.

මහින්ද රාජපක්ෂගේ ජීවීතය අනතුරේ යම් දෙයක් වුණොත් රජය වග කියන්න ඕනි - නීතිඥ මනෝජ් ගමගේ

පවතින අවදානම් තත්ත්වය සලකා ඉන් පුද්ගලයින් 162 දෙනෙකු ආරක්ෂිත මධ්‍යස්ථාන 05ක් වෙත කඩිනමින් යොමු කිරීමට පියවර ගෙන ඇති බව ද එම මධ්‍යස්ථානය සඳහන් කළේය.

මෙම අයහපත් කාලගුණික තත්ත්වය හේතුවෙන් දිස්ත්‍රික්ක 14ක ප්‍රාදේශීය ලේකම් කොට්ඨාස 65කට දැඩි බලපෑම් එල්ල වී ඇති අතර, නිවාස 192ක් අර්ධ වශයෙන් හානියට පත්ව තිබේ.

මීට අමතරව, ආපදා තත්ත්වයන් හේතුවෙන් මේ වන විට අවාසනාවන්ත ලෙස පුද්ගල මරණ 2ක් ද වාර්තා වී ඇත. වාරිමාර්ග සහ කාලගුණ විද්‍යා දෙපාර්තමේන්තු පෙන්වා දෙන්නේ ඉදිරි පැය කිහිපය තුළ ද වර්ෂාව අඛණ්ඩව පැවතිය හැකි බැවින් ගංගා නිම්න ආශ්‍රිතව සහ නායයෑම් අවදානම් කලාපවල වෙසෙන ජනතාව උපරිම ආරක්ෂිත පියවර අනුගමනය කළ යුතු බවයි.

විජේ හමුවීමට මන්ත්‍රී අර්ච්චුනා චෙන්නායි යයි - අන්තිමට වුණු දේ මෙන්න