ආයේ පාතාලේ ලංකාවෙ බිහිවෙන්න ගර්භාශයක් නැහැ - ඇමති සමන්ත

පාතාලය යළි රට තුළ බිහිවීමට ගර්භාෂයක් නොමැති බව වැවිලි සහ ප්‍රජා සංවර්ධන අමාත්‍ය සමන්ත විද්‍යාරත්න පවසනවා. හැටන් නගරයේ අද (07) පැවති උත්සවයකට සහභාගී වෙමින් අමාත්‍යවරයා මේ බව සඳහන් කළා.

එහිදී අදහස් දැක්වූ අමාත්‍යවරයා සඳහන් කර සිටියේ පාතාලය දේශපාලනයත් සමඟ පෝෂණය වූ බවත්, මේ වනවිට එකිනෙනා ඇනකොටා ගන්නා තත්ත්වයකට පත්ව ඇති බවයි.

ඇල්ල මාරක රිය අනතුරෙන් මියගිය පුද්ගලයින් තංගල්ලම හඩවමින් අවසන් ගමනේ

පාතාලය ඉවර කිරීමට කටයුතු කරන බවත් ඒ සඳහා එතරම් කාලයක් නියන බවත් එම කාලය නිශ්චිතව පැවසිය නොහැකි බවයි ඔහු වැඩිදුරටත් පවසා සිටියේ.

'අනිත් පැත්තෙන් ගත්තොත් අපිට පැහැදිලියි පාතාලයක් ආය බිහි වෙන්න ගර්භාෂයක් නෑ. මොකද දැන් ඒ දූෂිත දේශපාලය ඉවරයි. තිබුණු ආණ්ඩු කාලයේ එළියට ගිය අවි ආයුධ, විවිධ දේවල් තාම කොතන තියනවාද කියලා හොයන්න බෑ. නමුත් ඒවා එකින් එක හොයා ගන්නවා. දැන් කොනක ඉදන් පැහැදිලා ඉවරයි. රටේ බුද්ධි අංශ දැන් ඒවා තියන තැන් හදුනාගෙන තියනවා. දැන් එවා එකතු කරලා ගන්න එක තමයි තියෙන්නේ.

ඒවා ක්‍රමානුකූලව ඉස්සරහට සිද්ධ වෙයි. දැන් පාතාලයේ අහුමුලු හොයාගෙන යනකොට සමහර ඒවා හිටපු ජනාධිපතාවරුන්ගේ ගෙවල්වලට යනවා, ඇමතිවරුන්ගේ ගෙවල්වලට යනවා, මන්ත්‍රිවරුගේ ගෙවල්වලට යනවා. පාතාලයේ ගර්භාෂ තිබිලා තියෙන්නේ එහේ. ඒනිසා ඒක පැහැදිලියි. සමහර දේශපාලඥයෝ කෑගහන්නේ, හොයාගෙන හොයාගෙන යනකොට එයාලගේ ගෙදරටත් එන්න පුලුවන් කියලා දැනිලා.ඒකනේ ප්‍රශ්න තියෙන්නේ. ඒක ඉතින් කරන්න දෙයක් නැ. අනිවාරෙන් තරා තිරම බලන්නේ නෑ. හිටපු ජනාධිපති වෙන්න පුලුවන් ඇමති කෙනෙක් වෙන්න පුලුවන් නීතිය කාටත් සමානයි. නීතියට උඩින් කවුරුත් නෑ. නීතිය ක්‍රියාත්මක වෙනවා.”

පාතාලේ එක්ක ඇයි හොඳයිකම් පැවැත්තු සියල්ලගෙ නම් එළියට - ඇමති නලින්ද