වනජීවී සංරක්ෂණ දෙපාර්තමේන්තුවේ නව අධ්‍යක්ෂ ජනරාල් ලෙස රන්ජන් මාරසිංහ පත් වෙයි

වනජීවී සංරක්ෂණ දෙපාර්තමේන්තුවේ නව අධ්‍යක්ෂ ජනරාල්වරයා ලෙස රන්ජන් මාරසිංහ මහතා පත් කර ඇති බව වාර්තා වෙයි. මෙම පත්වීම පරිසර අමාත්‍ය ආචාර්ය ධම්මික පටබැඳි මහතාගේ අනුග්‍රහයෙන් සිදු කෙරිණි. 

රන්ජන් මාරසිංහ මහතා 1998 වසරේදී වනජීවී සංරක්ෂණ දෙපාර්තමේන්තුවට බැඳුණු දිගුකාලීන නිලධාරියෙකි. ඔහු සහකාර අධ්‍යක්ෂ, මෙහෙයුම් අධ්‍යක්ෂ සහ අතිරේක තාක්ෂණ අධ්‍යක්ෂ තනතුරු දැරූ අතර, පසුගිය කාලයේදී ජාතික සත්ත්වෝද්‍යාන දෙපාර්තමේන්තුවේ අධ්‍යක්ෂ ජනරාල්වරයා ලෙසද කටයුතු කළේය.

කෘෂිකර්මය, තොරතුරු තාක්ෂණය සහ නීතිය පිළිබඳ උපාධි මෙන්ම වන විද්‍යාව සහ පාරිසරික කළමනාකරණය පිළිබඳ ශාස්ත්‍රපති උපාධියක්ද ලබා ඇති ඔහු, මෙම භූමිකාවට බහුවිධ අධ්‍යයන පසුබිමක් සහිතව පත්ව ඇත.

ජොනීගේ එතනෝල් ජාවාරමට විජයකලාත් පැටලෙයි

මෙම පත්වීම සිදුව ඇත්තේ මිනිස් - අලි ගැටුම් උග්‍රව තිබෙන තීරණාත්මක අවස්ථාවකයි. උතුරු මැද පළාතේ ඩිට්වා සුළි කුණාටුවෙන් හානි වූ කිලෝමීටර 860කට අධික විදුලි වැටවල් අලුත්වැඩියා කිරීමේ වැඩපිළිවෙළක් දැනට සිදුවෙමින් පවතින අතර, නව අධ්‍යක්ෂ ජනරාල්වරයාගේ නායකත්වය යටතේ මෙම කටයුතු තවදුරටත් තීව්‍ර කෙරෙනු ඇත.

පරිසර අමාත්‍ය ධම්මික පටබැඳි මහතාගේ මගපෙන්වීම යටතේ වනජීවී සංරක්ෂණය සහ මිනිස්-සත්තු ගැටුම් අවම කිරීමේ වැඩසටහන් ශක්තිමත් කිරීමට මෙම පත්වීම තීරණාත්මක වනු ඇතැයි අපේක්ෂා කෙරේ. 

මතුගම ප්‍රාදේශිය සභාවේ උණුසුම් තත්ත්වයක් - සභාපතිව කාමරේට දාලා ලොක් කරලා පෝලීසියටත් බාධා