නාමල් රාජපක්ෂ රනිල්ගේ නඩුවට පැමිණෙයි - ආණ්ඩුවේ පළිගැනීමේ සංස්කෘතියට චෝදනා

පොදු ජන පෙරමුණේ (SLPP) ජාතික සංවිධායක සහ පාර්ලිමේන්තු මන්ත්‍රී නාමල් රාජපක්ෂ මහතා, හිටපු ජනාධිපති රනිල් වික්‍රමසිංහ මහතාට එරෙහිව පවතින නඩුව විභාගයට ගැනෙන අවස්ථාවේ කොටුව මහේස්ත්‍රාත් අධිකරණ සංකීර්ණයට 2025 අගෝස්තු 26 වැනිදා පැමිණ තිබේ.

රනිල් වික්‍රමසිංහ මහතාට එරෙහිව 2023 සැප්තැම්බර් මාසයේ එක්සත් රාජධානියේ පෞද්ගලික චාරිකාවක් සඳහා රුපියල් ලක්ෂ 166ක් පමණ රාජ්‍ය මුදල් අවභාවිත කළ බවට චෝදනා එල්ල වී ඇති අතර, මෙම නඩුව අද කොටුව මහේස්ත්‍රාත් අධිකරණය හමුවේ කැඳවීමට නියමිතව තිබුණි.

එක්සත් ජාතික පක්ෂයෙන් සාමය ආරක්ෂා කරන ලෙස ඉල්ලීමක්

අධිකරණ සංකීර්ණයෙන් පිටතදී මාධ්‍ය හමුවේ අදහස් දක්වමින් නාමල් රාජපක්ෂ මහතා ප්‍රකාශ කළේ, වත්මන් ආණ්ඩුව දිගින් දිගටම රාජපක්ෂ පවුලට එරෙහිව පළිගැනීමේ ක්‍රියාවලියක නිරතව සිටින බවත්, දැන් එම පළිගැනීමේ උත්සාහය හිටපු ජනාධිපති රනිල් වික්‍රමසිංහ මහතා දක්වා ව්‍යාප්ත වී ඇති බවත්ය.

ඔහු මෙසේ පැවසීය: 

“ආණ්ඩුව පසුගිය කාලය පුරාම රාජපක්ෂවරුන්ට එරෙහිව පළිගැනීමේ උත්සාහයක යෙදී සිටියා. දැන් ඒ උත්සාහය රනිල් වික්‍රමසිංහ මහතා දක්වාත් ව්‍යාප්ත වෙලා. මේ පළිගැනීමේ සංස්කෘතිය රටට ඉතාමත් හානිකරයි. එය වහාම නතර කළ යුතුයි.”

"රනිල්ව අල්ලනවනම් මහ බැංකුවෙන් හරි බටලන්ද චෝදනාවට හරි අල්ලන්න තිබ්බනේ කොහෙවත් යන එකක් අල්ලන් නැතුව" තලතා අතුකෝරාල

රනිල් වෙනුවෙන් එජාපයේ ප්‍රධානීන් උදෙන්ම අස්ගිරි මහානාහිමි බැහැදකී