මන්කිපොක්ස් සම්බන්ධයෙන් සෞඛ්ය අමාත්යාංශයෙන් විධිමත් සැලැස්මක්...
ගුවන්තොටුපොළ මගින් මෙරටට ඇතුළු විය හැකි මන්කිපොක්ස් හෙවත් වඳුරු උණ රෝගීන් හඳුනා ගැනීමට රටම ආවරණය වන පරිදි සෞඛ්ය අමාත්යාංශය විසින් ආවේක්ෂණ පද්ධතිය වඩාත් ශක්තිමත් කර තිබෙන බව සෞඛ්ය අමාත්යාංශයේ ලේකම් විශේෂඥ වෛද්ය පාලිත මහීපාල මහතා පවසා සිටිනවා.
ඒ අනුව රෝගීන් වාර්තා වුවහොත් කොළඹ, බෝවන රෝග විද්යායතනය තුළ ඔවුන් වෙන් කර ප්රතිකාර කිරීමේ පහසුකම් ස්ථාපිත කර තිබෙන බව ද ඔහු පවසා ඇත.
කොළඹ වෛද්ය පර්යේෂණ ආයතනය සතුව mpox රෝගීන් හඳුනාගැනීමේ රසායනාගාර පහසුකම් ද පවතින බවත් ඔහු පැවසුවේ ය.
එමෙන්ම, පසුගිය 20 දා සෞඛ්ය අමාත්යාංශයේ පැවති විද්වත් කමිටු රැස්වීමේ දී මෙම රෝගයට වඩාත් හොදින් සුදානම් වීම සහ ප්රතිචාර දැක්වීම සඳහා අවශ්ය මග පෙන්වීම ද ලබාදුන් බවත්, මේ හා සම්බන්ධ උපදෙස් ඇතුළත් චක්ර ලේඛයක් ද සියලුම සෞඛ්ය සේවා ආයතන සඳහා ලබා දීමට කටයුතු කළ බවත් ඔහු කියා සිටියේ ය.
එතුමා වැඩිදුරටත් පෙන්වා දී ඇත්තේ, mpox රෝගයේ ප්රධාන රෝග ලක්ෂණය වනුයේ උණ, සමෙහි බිබිලි මතු වීම සහ වසා ගැටිති ඉදිමීම බවත් සෞඛ්ය අමාත්යාංශයේ ලේකම් විශේෂඥ වෛද්ය පාලිත මහීපාල මහතා පැවසුවේ ය.
![](https://cdn.ibcstack.com/promo/64186c94bf41a.webp)