චීනයෙන් ටොන් 7ක ස්ථාවර පියාපත් සහිත ප්‍රවාහන ඩ්‍රෝන යානාවක්

චීනයේ පළමු ටොන් 7ක ස්ථාවර පියාපත් සහිත ප්‍රවාහන ඩ්‍රෝන යානාව වන Changying-8 හී ( NORINCO LUCA) මංගල පියසැරිය අද(31) පෙරවරුවේ චීනයේ Zhengzhou නගරයේ Shangjie ගුවන් තොටුපළේදී සාර්ථකව සිදු කරණ ලදි.

ඒ අනුව  චීනයේ Norinco සමූහයට අයත් Changying ඩ්‍රෝන යානා තාක්ෂණ සමාගම විසින් එම භාණ්ඩ ප්‍රවාහන ඩ්‍රෝන යානාව  ස්වයං ලෙස පර්යේෂණ කර නිපදවා ඇත.

එම ඩ්‍රෝන යානාව ” බර ගුවන් ට්‍රක් රථය” ලෙසින් හැඳින්වෙයි.

 චීනය ඉහළ මට්ටමේ බුද්ධිමත් ගුවන් සේවා භාණ්ඩ ප්‍රවාහන උපකරණ ක්ෂේත්‍රයේ කේන්ද්‍රීය ස්වාධීන තාක්ෂණයන්හි වැදගත් ජයග්‍රහණයක් දිනා ගැනීම එම ඩ්‍රෝන යානාව මගින් සනිටුහන් කරනු ලබන බව වාර්තා වේ.

තවද ඝන මීටර් 18 ක විශාල භාණ්ඩ ගබඩාවක් සහිත එම ඩ්‍රෝන යානාව ගුවන්ගත කිරීමේ බර ටොන් 7 කි. එම ඩ්‍රෝන යානාවට උපරිම වශයෙන් භාණ්ඩ ටොන් 3.5 ක බරක් රැගෙන ගමන් කළ හැකිය.

තවද එය සාම්ප්‍රදායික භාණ්ඩ, නැවුම් සීතල දාම සැපයුම් සහ හදිසි උපකරණ වැනි විවිධ අවශ්‍යතාවන් සපුරාලීමේ හැකියාවෙන් යුතු වන බව වාර්තා වේ.

යානය‍‍ට ගමන් කළ හැකි උපරිම දුර ප්‍රමාණය කිලෝමීටර් 3,000 කට අධිකය.දුරස්ථ භාණ්ඩ ප්‍රවාහන, හදිසි ආපදා ද්‍රව්‍ය බෙදාහැරීම, අන්තර් දේශසීමා භාණ්ඩ සැපයීම, සංකීර්ණ භූ කලාප මෙහෙයුම් යන ක්ෂේත්‍රවල එම ඩ්‍රෝනා යානාව භාවිත කිරීමේ හැකියාව තිබේ.

 එම Changying-8 ( NORINCO LUCA) ඩ්‍රෝන යානාව පහළ උන්නතාංශ ආර්ථික සංවර්ධය මෙන්ම හදිසි ආපදා සේවා සහතික කිරීමේ පද්ධතිය ගොඩනැගීම සඳහා යාන්ත්‍රික අනුබලයක් ලබා දෙනු ඇතැයි බලාපොරොත්තු වෙයි