නැවතත් නාය යෑම් ඇඟවීම් යාවත්කාලීන කෙරේ

පවතින අයහපත් කාලගුණික තත්ත්වය හේතුවෙන් දිස්ත්‍රික්ක 14ක ප්‍රාදේශීය ලේකම් කොට්ඨාස රැසක් සඳහා නායයෑම් අනතුරු ඇඟවීම් යාවත්කාලීන කිරීමට ජාතික ගොඩනැගිලි පර්යේෂණ සංවිධානය (NBRO) පියවර ගෙන තිබේ.

මෙම අනතුරු ඇඟවීම අද (15) පස්වරු 4.00 සිට හෙට (16) පස්වරු 4.00 දක්වා බලපැවැත්වෙනු ඇත. ඒ අනුව කොළඹ, ගාල්ල, කළුතර, මහනුවර, කුරුණෑගල සහ රත්නපුර යන දිස්ත්‍රික්කවල ප්‍රාදේශීය ලේකම් කොට්ඨාස කිහිපයක් සඳහා අදියර 2 (කහ පැහැති) යටතේ 'අවධානයෙන් සිටින ලෙස' දන්වා ඇත.

සියලුම ගුරුවරුන්ට සුබ ආරංචියක් - පඩි වැඩි කිරීම ගැන රජයෙන් ප්‍රකාශයක්

මීට අමතරව බදුල්ල, ගම්පහ, කෑගල්ල, මාතලේ, මාතර, මොනරාගල සහ නුවරඑළිය යන දිස්ත්‍රික්කවල ප්‍රදේශ රැසක් සඳහා අදියර 1 (සීනුව) යටතේ 'විමසිලිමත් වන ලෙස' අනතුරු ඇඟවීම් නිකුත් කර තිබේ.

කඳු බෑවුම් ආශ්‍රිතව පදිංචි ජනතාව නායයෑම් පූර්ව ලක්ෂණ පිළිබඳ දැඩි අවධානයෙන් පසුවිය යුතු බව එම සංවිධානය වැඩිදුරටත් අවධාරණය කරයි.

QR කේත ක්‍රමයේ ඉන්ධන කෝටාව වැඩි කිරීමට සූදානමක් - අගමැතිනි හරිනිගෙන් සුභ පණිවිඩයක්