ලංකාව එපා කියයි? - සංගා ලබන සතියේ සිට එංගලන්ත ක්‍රිකට් කණ්ඩායමට?

එළඹෙන සතියේ සිට පුරප්පාඩු වීමට නියමිත එංගලන්ත ජාතික ක්‍රිකට් කණ්ඩායමේ එක්දින සහ විස්සයි විස්ස ප්‍රධාන පුහුණුකාර ධුරය සඳහා හිටපු ශ්‍රී ලංකා නායක කුමාර් සංගක්කාර අපේක්ෂකයෙකු වනු ඇති බව විදෙස් මාධ්‍ය වාර්තා කර තිබෙනවා..

මිල 37යි.? - බිත්තර මිල සහ බිත්තර වෙළඳපොළ ගැන රජය ගත් අලුත්ම තීරණය.

වර්තමානයේ එංගලන්ත කණ්ඩායමේ එම ධුරය දරණ මැතිව් මොට් එම ධුරයෙන් ඉවත් වීමට නියමිත අතර, අදාළ ආකෘතිවල එංගලන්ත කණ්ඩායමේ නායකයා ලෙස ඉදිරියටත් ජෝෂ් බට්ලර් සිටිනු ඇතැයි එම මාධ්‍ය වාර්තා සඳහන් කරනවා.

බ්‍රිතාන්‍යයේ සුප්‍රකට The Telegraph UK මෙම කරුණ වාර්තා කිරීමේ දී කුමාර් සංගක්කාර සහ ජෝෂ් බට්ලර් අතර රාජස්ථාන් රෝයල්ස් කණ්ඩායමේ පවතින සබඳතාව අනාවරණය කර ඇති අතර, එළඹෙන සතියේ සිට පුරප්පාඩු වන ප්‍රධාන පුහුණුකාර ධුරය සඳහා සලකා බැලීමට නියමිත අපේක්ෂකයන් දෙදෙනෙකු ද නම් කර ඇත.

ඒ අනුව සංගක්කාර හැර හිටපු ඔස්ට්‍රෙලියානු ක්‍රීඩක මයිකල් හසී සහ වත්මන් ඇෆ්ගනිස්ථාන කණ්ඩායමේ පුහුණුකරු වන හිටපු එංගලන්ත ක්‍රිකට් නායක ජොනතන් ට්‍රොට් ද වන බවයි එම මාධ්‍ය වාර්තා පවසනවා.

කුකුළු මස් මිල ගණන් වෙනස් වෙයි.- මස් වර්ග වල නව මිල ගණන් මෙන්න.