රැකියා දෙනවා කියලා අතරමැදියන්ට මුදල් දෙන්න එපා - වෙනස්ම විදිහක.. විශේෂ දැනුම්දීමක් මෙන්න..
krishani
ශ්‍රී ලංකා විදේශ සේවා නියුක්ති කාර්යාංශය විශේෂ දැනුම්දීමක් සිදුකර තිබෙනවා.
ඒ ඊශ්‍රායල් රැකියා ලබාදෙන බව පවසා වංචනිකව මුදල් ලබාගන්නා පිරිසක් මේ දිනවල විවිධ ස්ථානවල ජාවාරම්වල නිරතව සිටින බවට තොරතුරු ලැබී ඇති බවයි.
එම කාර්යාශය මාධ්‍ය වෙත නිවේදනයක් නිකුත් කරමින් සඳහන් කළේ ඒ සම්බන්ධයෙන් මේ වන විට කාර්යාංශයේ විශේෂ විමර්ශන අංශය පරීක්ෂණ ආරම්භ කර ඇති බවයි.
මේ අතර, 2024 ජනවාරි මස සිට මේ දක්වා ශ්‍රී ලාංකික සාත්තු වෘත්තියකයින් 929 දෙනෙකු ඊශ්‍රායලයේ රැකියා සඳහා පිටත්ව ගොස් තිබෙනවා.
ඊශ්‍රායලයේ නිවාස පාදක කොටගත් සාත්තු සේවා රැකියා අවස්ථාව හිමි වූ ඊශ්‍රායල් සාත්තු සේවා රැකියා හිමි වූ 139 වන කණ්ඩායමේ තවත් 16 දෙනෙකුට ගුවන් ටිකට්පත් ප්‍රදානය කිරීම සහ දැනුවත් කිරීමේ වැඩසටහනක් ඊයේ (04) ශ්‍රී ලංකා විදේශ සේවා නියුක්ති කාර්යාංශයේ දී සිදුවිය.
ඒ අනුව ඊශ්‍රායලයේ සාත්තු සේවා රැකියා අංශයේ රැකියා අවස්ථාව ශ්‍රී ලාංකිකයන්ට හිමිවන්නේ දෙරට අතර ඇති කර ගන්නා ලද අවබෝධය ගිවිසුමක් අනුවයි.
ඒ හේතුවෙන් ඊශ්‍රායලයේ සාත්තු සේවා රැකියා අංශයේ රැකියා අවස්ථා ලබා ගැනීම සඳහා කිසිදු පුද්ගලයෙකුට හෝ ආයතනයට මුදල් දීමෙන් වළකින ලෙස ද ශ්‍රී ලංකා විදේශ සේවා නියුක්ති කාර්යාංශය මහජනතාවගෙන් ඉල්ලා සිටි.
