තෙල් මිල ඉහළ යන ලකුණු? හෝමුස් සන්ධියෙන් අවසන් තීරණයක් එළියට

ඉරාන පාර්ලිමේන්තු කමිටුවක් විසින් හෝමුස් සමුද්‍ර සන්ධිය හරහා ගමනාගමනය සඳහා ගාස්තු අය කිරීමේ සැලසුම්වලට අනුමැතිය ලබා දී ඇත.

විදෙස් මාධ්‍ය වාර්තා කර ඇත්තේ ජාතික ආරක්ෂක කොමිසමේ සාමාජිකයෙකු මෙම සැලසුම අනුමත කළ බව තහවුරු කර ඇති අතර, ඒ යටතේ අමෙරිකානු සහ ඊශ්‍රායල නෞකාවලට එම සමුද්‍ර සන්ධිය හරහා ගමන් කිරීම තහනම් කරනු ඇති බවයි.

මීට අමතරව, ඉරානයට එරෙහි සම්බාධක සඳහා දායක වූ අනෙකුත් රටවලට ද මෙම තහනම බලපැවැත්වෙනු ඇති බව එහි වැඩිදුරටත් සඳහන් වේ.

මුහුද මැද ගින්න - කුවේට් තෙල් නැවකට ඉරානයෙන් ප්‍රහාර - තත්ත්වය උග්‍ර වේ

ඉරානය ඕමානය සමඟ සහයෝගයෙන් මෙම නව ගාස්තු ක්‍රමය ක්‍රියාත්මක කරන බව විදෙස් මාධ්‍ය වාර්තා කර ඇත.

ලෝකයේ බොරතෙල් අවශ්‍යතාවයෙන් 20%ක් පමණ සාමාන්‍යයෙන් ඉරානය සහ ඕමානය අතර පිහිටි මෙම වැදගත් නාවික මාර්ගය හරහා ප්‍රවාහනය කෙරේ.

කෙසේ වෙතත්, නාවික බුද්ධි තොරතුරු ආයතනයක් වන Kplerට අනුව, යුද්ධය ආරම්භ වූ දා සිට මෙම මාර්ගය හරහා සිදුවන ගමනාගමනය 95%කින් පමණ පහත වැටී ඇත.

මෙලෙස නැව් වලින් ගාස්තු අය කර ගැනීම තුලින් ඊට අදාළව තෙල් මිල ඉහළ යෑමටද අවස්ථාවක් ඇත.

ඊශ්‍රායලය අනතුරේ - කාර්මික කලාපයකට ප්‍රහාර - රසායනික ද්‍රව්‍ය කාන්දුවීමේ අවදානමක් - නිවෙස් තුළම සිටින්නයි අනතුරු නිවේදන