ඊශ්‍රායලය අනතුරේ - කාර්මික කලාපයකට ප්‍රහාර - රසායනික ද්‍රව්‍ය කාන්දුවීමේ අවදානමක් - නිවෙස් තුළම සිටින්නයි අනතුරු නිවේදන

ඊශ්‍රායල පරිසර ආරක්ෂණ අමාත්‍යාංශය නිවේදනයක් නිකුත් කරමින් පවසා ඇත්තේ ඉරානය විසින් එල්ල කරන ලද මිසයිල ප්‍රහාරයක් දකුණු ඊශ්‍රායලයේ නියෝට් හොවාව් කාර්මික කලාපයේ පිහිටි කර්මාන්ත ශාලාවකට පතිත වීමෙන් දැඩි ගින්නක් හටගෙන ඇති බවත්, ඒ හේතුවෙන් අනතුරුදායක රසායනික ද්‍රව්‍ය කාන්දුවීමේ අවදානමක් පවතින බවත්ය.

අදාළ කර්මාන්ත ශාලාවල සියලුම සේවකයින්ට ආරක්ෂිත ස්ථාන කරා යන ලෙස උපදෙස් දී ඇති අතර ආරක්ෂක හේතූන් මත ප්‍රදේශය තුළ 'අන්තරායකර රසායනික සිදුවීමක්' ප්‍රකාශයට පත් කර ඇත.

ඇමරිකානු ඊශ්‍රායල ලොක්කෝ විනාසයි - දේශපාලකයන්ගේ හා මිලිටරි ලොක්කන්ගේ පෞද්ගලික නිවාස ඉලක්ක

එරට බලධාරීන් පවසන්නේ රසායනික කාන්දුවක් සිදුවීමේ හැකියාව පිළිබඳව පරීක්ෂණ පවත්වන නමුත්, මේ අවස්ථාවේදී අවට පදිංචි ජනතාවට ඉන් සෘජු බලපෑමක් එල්ල වීමේ අවදානමක් නොමැති බවයි.

එසේ වුවද, නිවෙස් තුළට වී රැඳී සිටින ලෙසට හෝම් ෆ්‍රන්ට් කමාන්ඩ් ආයතනය පුරවැසියන්ගෙන් ඉල්ලා සිටින අතර මිසයිල පතිත වීමෙන් ඇති වූ කම්පන තරංග හේතුවෙන් එක් පුද්ගලයෙකු සුළු තුවාල ලබා ඇති බව වාර්තා වේ.

"මෝඩ ඇමරිකානුවෝ ප්‍රශ්ණ අහනවා - ඒත් මම ආසයි ඉරානේ අල්ලන් තෙල් ගන්න - ට්‍රම්ප්ගෙන් අමුතු කතාවක් එළියට

මීට අමතරව, බීර්ෂෙබා ප්‍රදේශයට මිසයිල කොටස් පතිත වීම නිසා පුද්ගලයින් 20 දෙනෙකු පමණ සුළු තුවාල ලබා ඇති අතර තවත් 11 දෙනෙකු දැඩි කම්පනයට පත්ව ප්‍රතිකාර ලබා ඇත.

ආරක්ෂක හේතූන් මත පොලිසිය විසින් 40 වන මහා මාර්ගය වසා දමා ඇති අතර විකල්ප මාර්ග භාවිතා කරන ලෙස උපදෙස් දී ඇත. මෙම තත්ත්වය පාලනය කිරීම සඳහා නියෝට් හොවාව් කාර්මික කවුන්සිලය, පොලිසිය, ගිනි නිවන ඒකක සහ පරිසර ආරක්ෂණ අමාත්‍යාංශය එක්ව කටයුතු කරමින් සිටියි.

ඔත්තේ ක්‍රමයට ඉන්ධන ලබාදීමේ වෙනසක්? හෙට සහ අනිද්දා දෙකම ඔත්තේ දින වීමෙන් තෙල් බෙදීමේ වෙනසක්