බලන්නකෝ දැන් කියන කතාව.. තියුණු ආයුධයකින් ඇනලා මැරුවේ වැරදිමකින්ලු

කළුතර උතුර පනාපිටිය වාද්දගොඩ ප්‍රදේශයේ නිවසකට ඉකුත් 8 වැනිදා රාත්‍රියේ කඩාවැදී ඇඳක නිදා සිටි විදුලි කාර්මිකයෙකුට පිහියන් සහ කඩුවන් මගින් පහර දී ඝාතනය කළේ වැරදීමකින් බව ප්‍රධාන සැකකරු පොලිසියට පවසා ඇතැයි කළුතර කොට්ඨාස අපරාධ විමර්ශන ඒකකය සඳහන් කරයි.

ගුවන් අනතුරින් පැනලා යන්න පුළුවන් කම තිබිලත් පැනලා ගියේ නැති වීරයෝ (PHOTO)

ඝාතනයට ලක්වූයේ මොරන්තුඩුව ප්‍රාදේශීය සභාවේ සේවය කරන 45 හැවිරිදි විදුලි කාර්මිකයකු වන සුගත් ප්‍රසංග නම් පුද්ගලයෙකි. ඔහු සිදුකළ කිසිදු අපරාධයකට සම්බන්ධ නැති අහිංසකයෙකු බවත්, සැකකරුවන්ගේ ඉලක්කය වෙනත් පුද්ගලයෙකු බවත් අනාවරණය වී ඇත.

පොලිසිය සඳහන් කළේ, ප්‍රධාන සැකකරු වාද්දුව ප්‍රදේශයේදී පැවැත්වූ මත්පැන් සාදයකදී තමන්ගේ මත්ද්‍රව්‍ය ජාවාරමට බාධා වන පුද්ගලයෙකු ඝාතනය කිරීමට තීරණය කළ බවයි.

දළදා මාලිගාවට පැමිණ දළදා වහන්සේ වැද ගිය පවුලත් ගුවන් අනතුරට (PHOTO)

එම සැලසුමට පොලිස් නිලධාරියෙකුගේ පුත්‍රයෙකුද සම්බන්ධ වී ඇති අතර, ඔහු ත්‍රිරෝද රථයකින් පිරිස ගෙන ගොස් යටිකුරුවෙන් පෙන්වූ නිවසකට පහර දී ඇත. නමුත් ඇත්ත වශයෙන් ඔවුන් පහරදුන් නිවස ඔවුන්ගේ ඉලක්කය වූ පුද්ගලයාගේ නිවසට කිසිඳු සම්බන්ධයක් නොතිබුණි. එම නිවසේ සිටි විදුලි කාර්මිකයා මෙම වැරදි ප්‍රහාරයට ලක්වූයේ ඒ හේතුවෙනි.

පසුව, මෙම පිරිස තමන්ගේ මෙහෙයුම සාර්ථකව සිදු වූ බව විශ්වාස කරමින් නැවතත් වාද්දුවේදී මත්පැන් පානය කර උත්සවයක් කළ බවද පොලිසිය පවසයි.

මාලිමා ආණ්ඩුවෙන් වැඩිම රජයේ සේවකයන් අද බදවා ගැනේ....

අවසන් වශයෙන්, ප්‍රධාන සැකකරු ප්‍රදේශයෙන් පලා යාමට උත්සාහ කිරීමේදී කළුතර කොට්ඨාස අපරාධ විමර්ශන ඒකකය විසින් අත්අඩංගුවට ගනු ලැබීය. තවද මෙම සිදුවීම සම්බන්ධයෙන් තවත් සැකකරුවන් පිළිබඳව පරීක්ෂණ දිගුවෙමින් පවතින බවද පොලිසිය කියයි.

ඊශ්‍රායල ඉරාන යුද්ධයට මැදි වූ ලාංකිකයන්ට වෙන්න යන දේ මෙන්න...