ඉන්ධන මිල හා විදුලි මිල තවත් වැඩිවෙයිද? IMF සමඟ කල අලුත්ම සාකච්චාව

ශ්‍රී ලංකාව තුළ විදුලිය සහ ඉන්ධන මිල නියම කිරීමේදී, ඒවා නිෂ්පාදනය කිරීමට හා සැපයීමට වැය වන සැබෑ පිරිවැය වහාම නිරූපණය වන පරිදි මිල සූත්‍ර සක්‍රිය කළ යුතු බව ජාත්‍යන්තර මූල්‍ය අරමුදල (IMF) සිය නවතම කාර්ය මණ්ඩල වාර්තාව මඟින් අවධාරණය කර ඇත.

මූල්‍ය අරමුදල පෙන්වා දෙන්නේ විදුලි ඒකකයක් උත්පාදනය කිරීම සඳහා වැය වන සැබෑ වියදම පාරිභෝගික ගාස්තු මඟින් නැවත අයකර ගැනීමේ ඉලක්කය සපුරා ගැනීමට ජනවාරි මාසයේ සිට මෙතෙක් ලංකාව සමත්ව නොමැති බවයි. නිෂ්පාදන පිරිවැය ඉහළ මට්ටමක පැවතිය ද, ඊට සාපේක්ෂව විදුලි මිල ගණන් යළි සමාලෝචනය නොකිරීම මීට හේතුවයි.

රටේ තෙල් හිඟය ගැන ප්‍රශ්ණයක්ද? රටේ පවතින ඉන්ධන ගැන ලංකා ඛනිජ තෙල් සංස්ථාව දැනුම් දෙයි

පසුගිය මාර්තු 31 වැනිදා අනුමත කරන ලද සියයට 10.9 ක විදුලි ගාස්තු සංශෝධනය මඟින් ද, ඉහළ ගිය ඉන්ධන මිල සහ බලශක්ති සංයුතියේ සිදු වූ වෙනස්කම් සම්පූර්ණයෙන්ම ආවරණය වී නොමැති බව එම වාර්තාවේ සඳහන් වේ. මේ හේතුවෙන්, පළමු කාර්තුවේදී සිදු වූ මූල්‍ය අලාභය පියවා ගැනීම සඳහා, පවතින ක්‍රමවේදයට අනුව සකස් කළ නව ගාස්තු සංශෝධන යෝජනාවක් ඉදිරි තෙවැනි කාර්තුවේදී මහජන උපයෝගීතා කොමිෂන් සභාව වෙත ඉදිරිපත් වීමට නියමිතය.

විදුලි අංශයට අමතරව, ඉන්ධන මිලකරණය සම්බන්ධයෙන් ද පවතිනුයේ බරපතළ තත්ත්වයකි. මැදපෙරදිග කලාපීය අර්බුදය හේතුවෙන් ලෝක වෙළඳපොළේ ඉන්ධන මිල ඉහළ ගිය ද, පසුගිය අප්‍රේල් මාසයේ සිට මෙරට ක්‍රියාත්මක වන්නේ සැබෑ පිරිවැය ආවරණය නොවන ගාස්තු ක්‍රමයක් බව මූල්‍ය අරමුදල පවසයි.

නැවතත් ඉන්ධන මිල සංශෝධනයක් - දිනය මෙන්න - සිපෙට්කෝ වෙතින් දැනුම්දීමක්

ලංකා ඛනිජ තෙල් නීතිගත සංස්ථාව ලබා ඇති අතීත පාඩු පියවීම සඳහා රජය විසින් වන්දි ලබා දීමට පියවර ගන්නා අතර, දැනට ලබා දෙන ඉන්ධන සහන පූර්ව ඇස්තමේන්තුගත මුදලක් මත පමණක් සිදු වන බව තහවුරු කරමින් කැබිනට් තීරණයක් නිකුත් කෙරෙනු ඇතැයිද නිවේදනයේ දැක්වෙයි.

කෙසේ වුවද, දැනට පවතින ඉන්ධන සහන ලබා දීමේ ක්‍රියාවලිය එළඹෙන සැප්තැම්බර් මාසයේදී සම්පූර්ණයෙන්ම අවසන් වන බව ද ජාත්‍යන්තර මූල්‍ය අරමුදල අවධාරණය කරයි. බලශක්ති ක්ෂේත්‍රයේ පවතින මිල අස්ථාවරත්වය අවම කිරීම සහ විදුලි සමාගම්වල මූල්‍ය ස්ථාවරත්වය ආරක්ෂා කිරීම වෙනුවෙන් වඩාත් විනිවිදභාවයකින් යුතු මිල පාලන ක්‍රමවේදයක් අවශ්‍ය බව මූල්‍ය අරමුදල පෙන්වා දෙයි.

රියදුරන්ට පොලිසියෙන් විශේෂ නිවේදනයක් - වෙසක් වෙනුවෙන් පාරවල් වෙනස් වෙයි - ආයේ මේ පාරෙන් යන්න

මේ සඳහා, සැබෑ පිරිවැය ආවරණය වන පරිදි පැහැදිලි විදුලි ගාස්තු නිර්ණායක සකස් කිරීමට සිය තාක්ෂණික කණ්ඩායමේ සහාය ශ්‍රී ලංකාවට ලබා දෙන බව ද ජාත්‍යන්තර මූල්‍ය අරමුදල වැඩිදුරටත් ප්‍රකාශ කර ඇත.

 ශ්‍රී ලංකාව සමඟ විස්තීර්ණ අරමුදල් පහසුකම සඳහා ඒකාබද්ධ පස්වන සහ හයවන සමාලෝචන සම්පූර්ණ කිරීම පිළිබඳ IMF විධායක මණ්ඩලය පිළිබඳ මාධ්‍ය හමුවේ සම්පුර්ණ පිටපත සඳහා පහත සබැඳිය කිල්ක් කරන්න 

මෙතන ක්ලික් කරන්න