හෙට්ටිපොල දැරිය මියයෑමට අදාළ සැකකරු අත්අඩංගුවට

කුලියාපිටිය, හෙට්ටිපොල ප්‍රදේශයේදී ඊයේ (27) රාත්‍රියේ වෙඩිවැදී රෝහල්ගතකර සිටියදී දැරියක් මියයෑමට අදාළව සැකකරුවෙකු හෙට්ටිපොල පොලිසිය විසින් අත්අඩංගුවට ගෙන ඇති අතර මඟුලාගම ප්‍රදේශයේදී ඌරන් දඩයම් කිරීමට තබන ලද අපරික්ෂාකාරී වෙඩි තැබීමකින් මෙම දැරිය මරණයට පත්ව ඇති බව පොලිසිය පවසයි.

වෙඩිවැදීමෙන් දැරියගේ මිත්තණිය තුවාල ලබා රෝහල්ගතකර ඇත.

මෙම අපරාධය සම්බන්ධව සිදුකරන ලද විමර්ශනයට අනුව අත්අඩංගුවට ගත් සැකකරු වයස අවුරුදු 48ක් වන මඟුලාගම ප්‍රදේශයේ පදිංචිකරුවෙක් වන අතර ඔහු සන්තකයේ තිබූ බෝර 12 පතොරම් ගිනි අවිය, එම තුවක්කුවට අදාල 2025 වර්ෂයේ බලපත්‍රය හා හිස් පතොරම් කොපු 02ක් පොලිසිය විසින් සොයාගෙන ඇත.

හෙට්ටිපොල පොලිසිය වැඩිදුර විමර්ශන සිදු කරනු ලබයි.

මඟුලාගමදී වෙඩිවැදී දැරියක් මරුට - කාන්තාවක් රෝහලේ

අයවැයෙන් රජයේ සේවක පැතුම් සුන් වෙයි? වැටුප් වැඩිවීමක් ගැන ඇහෙන දේ