සුවසැරිය ගිලන් රථයේ සෞඛ්‍ය සහායිකාවට අතවර කරන්න ගිය හමුදා සැරයන්වරයෙක් පොලිසියට මාට්ටු වෙයි..

CID - Sri Lanka Police Police spokesman Sri Lanka Police Ministry of Health Sri Lanka National Health Service
By Aruna Aug 12, 2024 03:42 AM GMT
Aruna

Aruna

Report

අනතුරට ලක්ව රෝහලට රැගෙන එමින් සිටි රෝගියා සමග පැමිණි 1990 සුවසැරිය ගිලන් රථයේ සෞඛ්‍ය සහායිකාවට අතවර කර පොලිස් මුරපොළේ නිලධාරියාට හා රෝහල් කාර්ය මණ්ඩලයට තර්ජනය කළ බවට සැකපිට යුද හමුදා සැරයන්වරයකු අත්අඩංගුවට ගත් බව හොරණ මූලස්ථාන පොලිසිය ප්‍රකාශ කර සිටිනවා.

පොලිසිය වැඩි දුරටත් කියා සිටියේ, අනතුරකින් තුවාල ලැබූ පුද්ගලයකු වන අත්අඩංගුවට ගත් සැකකාර හමුදා සැරයන්වරයාගේ සහෝදරයා, ගිලන් රථයට නංවාගෙන රැගෙන ඒමට සූදානම් වෙද්දී ඊට සහාය සඳහා එයට ගොඩවී ඇති සැකකාර හමුදා සැරයන්වරයා රෝගියා සමඟ සිටි සෞඛ්‍ය සහායිකාවට ගිලන් රථය තුළදී අතවර සිදුකිරීමට තැත්කර ඇති බවයි.

රාත්‍රී කාලයේ ප්‍රධාන රෝහලක කාමර ඇතුලෙ සිදුවන ලිංගික අතවර..රෝහල් සේවිකාවන් සමාජ මාධ්‍ය කළඹමින් කරපු දේ..

රාත්‍රී කාලයේ ප්‍රධාන රෝහලක කාමර ඇතුලෙ සිදුවන ලිංගික අතවර..රෝහල් සේවිකාවන් සමාජ මාධ්‍ය කළඹමින් කරපු දේ..


ඒ බව සෞඛ්‍ය සහායිකාව විසින් පොලිස් මුරපොළේ නිලධාරියාට පැවසීමෙන් අනතුරුව සැකකරු මුරපොළේ පොලිස් නිලධාරියාට මෙන්ම සෞඛ්‍ය කාර්ය මණ්ඩලයට තර්ජනය කර හැසිරී ඇති අතර අනතුරුව එහි ගිය පොලිස් කණ්ඩායමක් විසින් සැකකරු පලායෑමට තැත් කිරීමේදී අත්අඩංගුවට ගත් බවයි පැවසෙන්නේ.

සැකකරු සහ තුවාල ලැබූ ඔහුගේ සහෝදරයා අධික ලෙස බීමත්ව සිටි බවයි පොලිසිය කියා සිටියේ.

හොරණ මූලස්ථාන පොලිසිය මෙම සිද්ධිය සම්බන්ධයෙන් වැඩිදුර පරීක්ෂණ සිදු කරයි.

නාමල් රාජපක්ෂ මෙවර ජනාධිපතිවරණයේ 50% ඉක්මවන බවට දැනුම්දීමක්..එම ප්‍රතිඵලය මෙන්න.

නාමල් රාජපක්ෂ මෙවර ජනාධිපතිවරණයේ 50% ඉක්මවන බවට දැනුම්දීමක්..එම ප්‍රතිඵලය මෙන්න.


ReeCha