රට පුරා ශිෂ්‍යත්ව විභාගය ලියන සිසුන්ට අද විශේෂ වෙයි

2025 පහ ශ්‍රේණියේ ශිෂ්‍යත්ව විභාගය අද (10) දින දිවයින පුරා ආරම්භ වීමට නියමිතය.

මෙම විභාගය සඳහා දිවයින පුරා විභාග මධ්‍යස්ථාන 2,787කදී අද පෙරවරු 9:30ට ආරම්භ වන අතර, ඒ සඳහා මධ්‍යස්ථාන සූදානම් කිරීම සහ දූමායනය ඊයේ (09) දින සිදු කර ඇත.

මෙවර ශිෂ්‍යත්ව විභාගයට අයදුම්කරුවන් 307,951ක් පෙනී සිටීමට නියමිතය. විභාගයේදී දෙවන ප්‍රශ්න පත්‍රය පළමුව ලබා දෙන අතර, එය පෙරවරු 9:30 සිට 10:45 දක්වා පැවැත්වේ. ඉන් අනතුරුව පැය භාගයක විවේක කාලයකින් පසු, පළමු ප්‍රශ්න පත්‍රය පෙරවරු 11:15 සිට පස්වරු 12:15 දක්වා පැවැත්වේ. ඒ අනුව, මෙම විභාගය පෙරවරු 9:30 සිට පස්වරු 12:15 දක්වා පැවැත්වීමට සැලසුම් කර තිබේ.

රට යන්න හීන දකින අයට මෙන්න රටවල් තුනකින් රැකියා

ඊයේ (09) පැවති දැනුවත් කිරීමේ මාධ්‍ය හමුවකට එක්වෙමින් විභාග කොමසාරිස් ජනරාල් ඒ.කේ.එස්. ඉන්දිකා කුමාරි මහත්මිය පැවසුවේ, විභාගය අතරතුර යම් ආපදා තත්ත්වයක් හෝ හදිසි තත්ත්වයක් මතු වුවහොත්, 117 යන හදිසි ඇමතුම් අංකය ඔස්සේ විභාග දෙපාර්තමේන්තුව වෙත දැනුම් දිය හැකි බවයි. ඒ සඳහා විශේෂ වැඩපිළිවෙළක්ද ක්‍රියාත්මක කර ඇති බව ඇය සඳහන් කළාය. එමෙන්ම, දරුවන් විභාග ශාලාවට උදෑසන 8:30 වන විට පැමිණිය යුතු බවත්, පෙරවරු 9:00 වන විට විභාග ශාලාවේ අසුන් ගත යුතු බවත්, දෙමාපියන්ගෙන් ඉල්ලා සිටින බවත් ඇය පැවසුවාය.

විභාග කොමසාරිස් ජනරාල් ඒ.කේ.එස්. ඉන්දිකා කුමාරි මහත්මිය වැඩිදුරටත් අදහස් දක්වමින් මෙසේ පැවසුවාය:

"විභාගය පෙරවරු 9:30ට ආරම්භ වේ. නමුත් සියලුම දරුවන් උදෑසන 8:30 වන විට තමන්ට හිමි විභාග මධ්‍යස්ථානවලට පැමිණිය යුතුයි. පෙරවරු 9:00 වන විට දරුවන් විභාග ශාලාවේ අසුන් ගත යුතුයි.

දරුවන්ට ලිවීම සඳහා අවශ්‍ය පෑන්, පැන්සල්, මකනය, අඩිපතක් රැගෙන ඒමට හැකියි. ඒවා විනිවිද පෙනෙන බෑගයක රැගෙන ඒමට සිදුවේ. විශේෂයෙන්ම, කටුවැඩ සඳහා විභාග දෙපාර්තමේන්තුව විසින් විශේෂ කඩදාසි ලබා දෙන බැවින්, අනවශ්‍ය කඩදාසි, ෆයිල් කවර හෝ වෙනත් ද්‍රව්‍ය රැගෙන ඒමෙන් වළකින්න.

දෙමාපියන්ට විභාග මධ්‍යස්ථාන පරිශ්‍රයට ඇතුළු විය නොහැකියි. එබැවින්, දරුවන්ට මනස සන්සුන්ව, පීඩනයකින් තොරව, ප්‍රශ්න පත්‍ර ඉතා අවධානයෙන් කියවා පිළිතුරු සැපයීමට හැකි වටිනා වාතාවරණයක් සකස් කර දෙන්නැයි දෙමාපියන්ගෙන් ආදරයෙන් ඉල්ලමි."

අද ලග්න කිහිපයකට මල් 07යි - විවාහ වෙන්න ඉන්න අයට සහ වෙලා ඉන්න අයට වෙන්න යන දේ මෙන්න

ලොතරැයි සුපිරි ජය මල්ල මේපාර ඔයාගේද කියලා දැන්ම බලන්න