රජයේ වෛද්‍ය නිලධාරීන්ගේ සංගමයේ දීපව්‍යාප්ත වැඩ වර්ජනය අත්හිටුවයි

රජයේ වෛද්‍ය නිලධාරීන්ගේ සංගමය (GMOA) විසින් අද (25) සැලසුම් කර තිබූ දීපව්‍යාප්ත වැඩ වර්ජනය අත්හිටුවීමට තීරණය කර ඇත.

සෞඛ්‍ය අමාත්‍ය වෛද්‍ය නලින්ද ජයතිස්ස මහතා සමඟ සාකච්ඡාවකින් අනතුරුව ලිඛිත සහතිකයක් ලැබීමෙන් පසු මෙම තීරණය ගෙන තිබේ.

මෙම වැඩ වර්ජනය ආරම්භ කිරීමට GMOA තීරණය කර තිබුණේ ඉල්ලීම් කිහිපයක් මුල් කර ගනිමිනි.

වැල්ලම්පිටිය කිත්තම්පහුව ප්‍රදේශයේ වෙඩි තැබීමක්

ඊයේ (24) නිකුත් කළ නිවේදනයකට අනුව, දුෂ්කර පළාත්වල රෝහල් වැසී යාමේ අවදානම, රෝගීන්ට හිඟ ඖෂධ මිලදී ගැනීම සඳහා රජයෙන් එල්ල වන සෘජු බලපෑම්, සහ රෝහල්වලට ප්‍රමිතිගත ඖෂධ සහ උපකරණ ලබා නොදීම හරහා නිදහස් සෞඛ්‍ය සේවාව බිඳවැටීමේ අවදානම යන කරුණු මෙම වර්ජනයට මූලික හේතු වී තිබිණි.

නිවේදනයේ වැඩිදුරටත් සඳහන් වූයේ, සෞඛ්‍ය අමාත්‍යාංශය තුළ පවතින අවිධිමත්, අකාර්යක්ෂම, සහ විනිවිදභාවයෙන් තොර ක්‍රියාවලීන් හේතුවෙන් වෛද්‍යවරුන්ගේ ස්ථාන මාරු ක්‍රියාවලිය සහ දුෂ්කර පළාත්වලට අනුයුක්ත කිරීමේ ක්‍රියාවලිය සම්පූර්ණයෙන් බිඳවැටී ඇති බවයි.

ශ්‍රී ලංකා ක්‍රිකට් ව්‍යවස්ථාව සංශෝධනයට එරෙහි මතභේදාත්මක උත්සාහයක්

මෙම තත්ත්වය හේතුවෙන් රට පුරා රෝහල් 200කට ආසන්න සංඛ්‍යාවක් වැසී යාමේ අවදානමකට මුහුණ දී ඇති අතර, අනෙකුත් රෝහල්වල වෛද්‍යවරුන් හිඟය හේතුවෙන් ඇතැම් ඒකකවල කටයුතු අඩාල වීමේ තත්ත්වයක් මතුව ඇති බවද සඳහන් විය.

අමාත්‍ය ජයතිස්ස මහතා සමඟ පැවති සාකච්ඡාවෙන් පසු ලැබුණු ලිඛිත සහතිකය මගින් මෙම ගැටලුවලට විසඳුම් සෙවීමට රජය කැපවී ඇති බව GMOA විශ්වාස කරන අතර, ඒ අනුව වර්ජනය අත්හිටුවීමට තීරණය කර ඇත. කෙසේ වෙතත්, ඉල්ලීම් ඉටු නොවුණහොත් ඉදිරියේදී නැවත වෘත්තීය ක්‍රියාමාර්ගවලට යොමු වීමේ හැකියාවක් ඇති බව සංගමයේ ආරංචි මාර්ග සඳහන් කරයි. 

මාලිමා ඇමති කුමාර ජයකොඩිට අධිචෝදනා පත‍්‍ර සුදානම්

තැපෑල මෙච්චර වර්ජනය කරද්දි ආණ්ඩුව සත පහකට ගණන් නොගෙන ඉන්න හේතුව මේකයි