වසා දැමූ ඉන්ධන පිරවුම්හල් පිළිබඳව CPC පැහැදිලි කිරීමක් නිකුත් කරයි

ගෙවීම් ගැටළු හේතුවෙන් ඉන්ධන පිරවුම්හල් 300කට ආසන්න ප්‍රමාණයක් වසා දමා ඇති බවට පළ වන වාර්තා සම්පූර්ණයෙන්ම අසත්‍ය බව ලංකා ඛනිජ තෙල් නීතිගත සංස්ථාව (CPC) අද ප්‍රකාශ කර තිබේ. 

  ඉන්ධන පිරවුම්හල් හිමියන්ගේ සංගමය මීට පෙර ප්‍රකාශ කළේ ඛනිජ තෙල් නීතිගත සංස්ථාව හඳුන්වා දී ඇති නව ගෙවීම් ක්‍රමය හේතුවෙන් දිවයින පුරා ඉන්ධන පිරවුම්හල් 300ක් පමණ තාවකාලිකව වසා දමා ඇති බවයි. නව ක්‍රමයට අනුව පෙරේදා රාත්‍රී 9.30ට පෙර ඇනවුම් කළ ඉන්ධන තොග සඳහා මුදල් ගෙවිය යුතු විය

. නිවේදනයක් නිකුත් කරමින් ඛනිජ තෙල් නීතිගත සංස්ථාව පවසන්නේ ඉන්ධන පිරවුම්හල් 300ක් වසා දැමීමේ චෝදනා අසත්‍ය බවයි. ගෙවීම් පියවීමේ කාලය ඊයේ (05) සිට පෙරවරු 10.30 දක්වා දීර්ඝ කළ බව ඛනිජ තෙල් නීතිගත සංස්ථාව පවසයි.

තෙල් සංස්ථාව සහ පෞද්ගලික බවුසර් හිමියන් ද ප්‍රමාදයකින් හා හිඟයකින් තොරව ඉන්ධන බෙදා හැරීමට එකඟතාවකට පැමිණ ඇති බව ඛනිජ තෙල් නීතිගත සංස්ථාව වැඩිදුරටත් පැවසීය.