ඕනෑම විදෙස් සමාගමකට මෙරට ඉන්ධන බෙදාහැරීමට අවස්ථාව - මෙරට පිරවුම්හල් විදෙස් සමාගම් වලට

මෙරට ඉන්ධන බෙදාහැරීමේ කටයුතු වෙනත් රටවල්වල සමාගම්වලට ලබා දීමට කටයුතු කරන බව විදුලිබල හා බලශක්ති අමාත්‍ය කංචන විජේසේකර මහතා පවසනවා.

ඒ අනුව IOC සමාගම හැර වෙනත් ඕනෑම විදේශීය සමාගමකට මෙරට ඉන්ධන බෙදාහැරීමේ කටයුතු සිදුකළ හැකියි. ඒ සඳහා අවශ්‍ය පිරවුම්හල් ලබා දීමට රජය පියවරගෙන ඇති බවයි අමාත්‍යවරයා සඳහන් කළේ.

රජයට අයත් සිපෙට්කෝ හි සේවකයන් සහ පවතින පාඩුව දරාගැනීමට නොහැකි වීමද ඊට හේතුවක්. ඒ අනුව ඊට අදාළ කැබිනට් පත්‍රිකාව හෙට(27) පැවැත්වෙන කැබිනට් හමුවට ඉදිරිපත් කරන බවද විදුලිබල හා බලශක්ති අමාත්‍ය කංචන විජේසේකර මහතා වැඩි දුරටත් සඳහන් කළා.