දේශපාලන පක්ෂ වෙත මැතිවරණ කොමිසමෙන් විශේෂ නිවේදනයක්
Shehan
මැතිවරණ කොමිෂන් සභාව විසින් දේශපාලන පක්ෂ සහ ස්වාධීන කණ්ඩායම් වෙත විශේෂ නිවේදනයක් නිකුත් කර තිබේ.
ඡන්ද විමසීම සඳහා භාර දුන් නාමයෝජනා පත්‍ර ප්‍රතික්ෂේප වීම සම්බන්ධයෙන් අධිකරණ ක්‍රියාමාර්ග ගෙන ඇත්නම්, එම පෙත්සම් සහ නඩු තීන්දුවල පිටපත් අදාළ දිස්ත්‍රික් මැතිවරණ කාර්යාල වෙත ලබා දෙන ලෙස ඉල්ලා ඇත.
මේ පිළිබඳව දේශපාලන පක්ෂවල ලේකම්වරුන්, බලයලත් නියෝජිතයින් සහ ස්වාධීන කණ්ඩායම් නායකයින් දැනුවත් කර ඇත.
විවිධ ගැටළු හේතුවෙන් බොහෝ දේශපාලන පක්ෂ සහ ස්වාධීන කණ්ඩායම්වල නාමයෝජනා ප්‍රතික්ෂේප වී තිබුණි. ඒ වෙනුවෙන් එම පක්ෂ සහ කණ්ඩායම් අභියාචනාධිකරණය හමුවේ පෙත්සම් ගොනු කළහ.
අභියාචනාධිකරණය, අදාළ කොට්ඨාසවල තේරීම් භාර නිලධාරීන්ට එම නාමයෝජනා පත්‍ර නැවත භාර ගන්නා ලෙස නියෝග කර ඇත.
ඒ අනුව, අධිකරණ ක්‍රියාමාර්ග ගත් දේශපාලන පක්ෂ සහ ස්වාධීන කණ්ඩායම්වලින්, එම පෙත්සම් සහ නඩු තීන්දුවල පිටපත් අදාළ දිස්ත්‍රික් මැතිවරණ කාර්යාල වෙත ලබා දෙන ලෙස මැතිවරණ කොමිෂන් සභාව ඉල්ලා ඇත.
![දේශබන්දුගේ නොදුටු පැත්ත සහ පාස්කු ප්රහාරයට සම්බන්ධ වුන හැටි මෙන්න [VIDEO]](https://cdn.ibcstack.com/article/8188a173-26d0-4cf2-b00e-4088ab61ae29/25-67f38dc094dcf-sm.webp)
