බහුලව භාවිතා කරන ස්කූටර් වර්ගයක් එකවරම තහනම් කරයි..

කුලියට දෙන ඉලෙක්ට්‍රොනික ස්කූටර ඔස්ට්‍රේලියාවේ මෙල්බර්න් නගරය තහනම් කර ඇති බවට විදෙස් මාධ්‍ය තොරතුරු වාර්තා පවසනවා.

ඒ ඒවායෙහි ආරක්ෂාව නොමැති වීමේ හේතුව පදනම් කරගනිමින් බවයි පැවසෙන්නේ.

2022 පෙබරවාරි මාසයේදී ස්කූටර මුලින්ම මෙල්බර්න් නගරයේ හඳුන්වා දෙනු ලැබීය.

කෙසේ වෙතත්, එතැන් සිට අනතුරු සිය ගණනක් මහජනතාවගෙන් මේ සම්බන්ධයෙන් පැමිණිළි ඉදිරිපත්වී තිබෙන බවයි එරට මාධ්‍ය වාර්තා පවසන්නේ.

අද ප්‍රබල ධන යෝගයකට හිමිකම් කියන ග්‍රහ යෝගයක්..ලග්න කිහිපයකට වාසනාව උරඟා බලන්න මෙන්න සුපිරි අවස්ථාවක්..

මෙල්බර්න් නගරාධිපතිවරයා පවසා ඇත්තේ, ඇතැම් ස්කූටර් භාවිතා කරන්නන්ගේ නරක හැසිරීම් මෙයට හේතු වූ බවයි.

මේ පිළිබඳව අදහස් දක්වමින් ඔහු පවසා සිටියේ මෙවැනි අදහසක්.

“බොහෝ මිනිසුන් අඩිපාරවල පදිනවා.

මිනිස්සු ඒවා හරියට ගාල් කරන්නේ නැහැ. නගරයේ තැන්තැන්වල ඒවා ගාල්කර තියෙනවා.

නගරයේ ප්‍රධාන රෝහලක් වන රෝයල් මෙල්බර්න් රෝහල 2023 දෙසැම්බර් මාසයේදී වාර්තාවක් ප්‍රකාශයට පත් කරන ලද අතර එහි හදිසි අනතුරු අංශයේ 2022 දී තුවාල ලැබූ ස්කූටර් පදවන්නන් 250කට ආසන්න ප්‍රමාණයක් සොයා ගෙන තිබේ.

මෙයින් බහුතරයක් බීමත්කම, වේගයෙන් රිය පැදවීම සහ හිස්වැසුම් නොපැලදීම වැනි සාධක ඇතුළත් බවයි පැවසෙන්නේ.

මෙරටින් ඇසෙන භයානක ආරංචිය මෙන්න..යළිත් ප්‍රදේශ රැසකින් රතු එළියක්..

ඊ-ස්කූටර් අනතුරු හේතුවෙන් මරණ සහ මොළයට හානි සිදුවී ඇති අතර ප්‍රධාන වශයෙන් තරුණ රෝගීන් තුවාල ලබා ඇති බවයි,රෝහල් ප්‍රකාශකයෙකු පැවසුවේ.

ප්‍රංශ අගනුවර වන පැරිසියද පසුගිය සැප්තැම්බර් මාසයේ මෙම ස්කූටර් තහනම් කිරීමට තීරණය කරනු ලැබීය.