දකුණු මුහුදේ දී අල්ලාගත් මත්ද්‍රව්‍ය යාත්‍රා දික්ඕවිට ධීවර වරායට

දකුණු මුහුදේදී මත්ද්‍රව්‍ය ප්‍රවාහනය කරමින් සිටි බවට සැකපිට බහුදින ධීවර යාත්‍රා දෙකක් සහ සැකකරුවන් 11 දෙනෙකු නාවික හමුදාව විසින් භාරයට ගෙන දැන් දික්ඕවිට ධීවර වරායට රැගෙන එන ලදී.

නාවික හමුදා මාධ්‍ය ප්‍රකාශක කමාන්ඩර් බුද්ධික සම්පත් මහතා පවසන පරිදි, පොලිසියෙන් ලැබුණු තොරතුරු මත පදනම්ව දිගුදුර නෞකා යොදාගෙන විශේෂ මෙහෙයුමක් දියත් කරමින් මෙම යාත්‍රා දෙක හඳුනාගෙන බලහත්කාරයෙන් නැවැත්වූ බවයි.

එක් යාත්‍රාවක සිටියේ පුද්ගලයින් 5 දෙනෙකු වන අතර, අනෙක් යාත්‍රාවේ සිටියේ පුද්ගලයින් 6 දෙනෙකි. මෙම යාත්‍රා දෙකේම මත්ද්‍රව්‍ය කිලෝග්‍රෑම් 270ක පමණ ප්‍රමාණයක් තිබෙන බවට සැක කෙරේ.

රටම බ්ලෙක් අවුට් වෙන්නයි යන්නේ.. - ජනතාව අසරණයි.. රජය නිහඬයි

නාවික හමුදාව භාරයට ගත් යාත්‍රා දෙක සහ සැකකරුවන් 11 දෙනා ඉදිරි නීතිමය කටයුතු සඳහා පොලිස් මත්ද්‍රව්‍ය නාශක කාර්යාංශය වෙත භාර දීමට නියමිතය.

මෙම මෙහෙයුම දකුණු මුහුදු ප්‍රදේශයේ මත්ද්‍රව්‍ය ජාවාරම් මර්ධනයට එරෙහිව නාවික හමුදාව විසින් දියත් කරන තීව්‍ර ක්‍රියාමාර්ගයක කොටසක් ලෙස සැලකේ.

අද ලග්න 05කට විශේෂ අවධානයක්! ඔබත් ඒ අතරද?