සේවය දමා වැඩ වර්ජනයට ගියා වගේ නෙමෙයි මෙන්න කට්ටියකට ලොකුවටම කරන්න යන දෙය.. දැන් ලැබුණ ආරංචිය මෙන්න..
krishani
ප්‍රවාහන සේවාව මෙරට අත්‍යවශ්‍ය සේවාවක් කර තිබෙනවා.
ඒ හේතුවෙන් හදිසියේ කැඳවා තිබෙන වැඩවර්ජනය නීතිවිරෝධී ක්‍රියාවක් බවත් සේවයට වාර්තා නොකරන සේවකයින්ට විනයානුකූල පියවර ගන්නා බවත් ප්‍රවාහන හා මහාමාර්ග අමාත්‍යාංශ ලේකම් රංජිත් රූබසිංහ මහතා සඳහන් කළේ ය.
ජනාධිපති රනිල් වික්‍රමසිංහ මහතා විසින් පසුගියදා ප්‍රවාහන සේවය අත්‍යවශ්‍ය සේවාවක් ලෙස ගැසට් කර ඇත.
එසේ තිබී දී දුම්රිය ස්ථානාධිපතිවරු සහ පාලකවරුන් හදිසියේ කැඳවා තිබෙන වැඩවර්ජනය නීතිවිරෝධී බව අමාත්‍යංශ ලේකම්වරයා පැවසීය.
මෙම හදිසි වැඩවර්ජනයන් නිසා බදුල්ල, ත්‍රිකුණාමලය හා මඩකළපුව දක්වා අද (09) ධාවනය වීමට තිබූ රාත්‍රී තැපැල් දුම්රියන් අවලංගු කර තිබෙනවා.
ඒ හේතුවෙන් පීඩාවට පත්වන ජනතාවගේ ගමනාගමන පහසුව සලසාදීම සඳහා ලංකා ගමනාගමන මණ්ඩලයේ බස් රථ යෙදවීමට කටයුතු කර ඇත.
මෙම වැඩවර්ජන තත්ත්වය හේතුවෙන් හෙට (10) දිනයේ කාර්යාලයීය දුම්රිය ධාවනයට බාධාවක් ඇති වුවහොත් ඊට මූහුණදීම සඳහා ලංගම බස් රථ වැඩි ගණනක් යෙදවීමට සැලසුම් කර තිබෙනවා.
කෙසේ වෙතත්, දුම්රිය වාර ප්‍රවේශපත්‍ර ලබාගෙන තිබෙන මගීන් සඳහා ලංගම බස් රථවල ප්‍රවාහනය නොමිලේ සිදු කිරීමට අවශ්‍ය පියවර ගෙන ඇති බව ප්‍රවාහන අමාත්‍යංශය ලේකම් රංජිත් රූබසිංහ මහතා වැඩිදුරටත් කියා සිටියේ ය.
