ආපදා මරණ 193 දක්වා ඉහළට - 228ක් තවමත් අතුරුදන්

දිවයින පුරා ඇදහැලෙන අධික වර්ෂාපතනය, ගංවතුර සහ නායයෑම් හේතුවෙන් ඇතිවූ ආපදාවලින් මරණ සංඛ්‍යාව මේ වන විට 193 දක්වා ඉහළ ගොස් ඇති බව ආපදා කළමනාකරණ මධ්‍යස්ථානය අද (30) නිකුත් කළ නවතම වාර්තාවේ දැනුම් දෙයි.

එමෙන්ම පුද්ගලයින් 228 දෙනෙකු මේ මොහොතේ අතුරුදන් වී සිටින බවත්, ඔවුන් සොයාගැනීම සඳහා යුද්ධ හමුදාව, නාවික හමුදාව, පොලීසිය සහ බේරුම් කණ්ඩායම් දිවයිනේ ප්‍රදේශ රැසක ක්‍රියාත්මක වන බවත් මධ්‍යස්ථානය සඳහන් කරයි.

වැලිමඩ රේන්දපොළේ දැඩි නායයෑමකින් 5ක් අතුරුදන්

නවතම ආපදා තත්ත්වය (30 නොවැම්බර් සවස 6.00 දත්ත)   

මරණ: 193 (පෙර දිනට වඩා 34ක වැඩිවීමක්)

අතුරුදන්: 228 (පෙර දිනට වඩා 25ක වැඩිවීමක්)

විපතට ලක්වූ පුද්ගලයින්: 833,985 පවුල්: 234,503

සුරක්ෂිත මධ්‍යස්ථානවල රැඳෙන පුද්ගලයින්: 122,822 (පවුල් 34,198)

ගංවතුරෙන් පීඩාවට පත් සතුන්ට පශු වෛද්‍ය සහාය

වැඩිම බලපෑම් ඇති දිස්ත්‍රික්ක

• රත්නපුර, කළුතර, කොළඹ, ගාල්ල, මාතර, කෑගල්ල, බදුල්ල, පොළොන්නරුව ඇතුළු දිස්ත්‍රික්ක 13කට දැඩි බලපෑම්.
• මාවිල්ආරු ජලාශ බැම්ම කැඩීම, කළු ගඟ පිටාර ගැලීම, වැලිමඩ නායයෑම වැනි නව සිදුවීම් මරණ හා අතුරුදන් සංඛ්‍යාව ඉහළ දැමීමට හේතු වී ඇත. 

වහල මත සවිකර ඇති සූර්ය පැනල ක්‍රියා විරහිත කරන්න - CEB ගෙන් හදිසි ඉල්ලීමක්