ශ්‍රී ලංකාවේ කියුබානු තානාපති හා ටිල්වින් සිල්වා අතර හමුවක්

 ශ්‍රී ලංකාවේ කියුබානු තානාපති අන්ද්‍රේස් මාර්සෙලෝ ගොන්සාලෙස් ගොරිඩෝ මහතා හා ජනතා විමුක්ති පෙරමුණේ ප්‍රධාන ලේකම් ටිල්වින් සිල්වා මහතා අතර සාකච්ඡාවක් පැවැත්විය.

ඒ බත්තරමුල්ල පැලවත්ත ජනතා විමුක්ති පෙරමුණේ ප්‍රධාන කාර්යාලයේදීය.

මෙම අවස්ථාව සඳහා තරුණ කටයුතු හා ක්‍රීඩා ඇමති සුනිල් කුමාර ගමගේ සහෝදරයා සහ නීතිඥ මධූ කල්පනා සහෝදරියද සහභාගී වී තිබුණි.

ශ්‍රී ලංකාවේ වත්මන් දේශපාලන තත්වය සම්බන්ධයෙන් මෙන්ම කියුබාව සහ ශ්‍රී ලංකාව අතර පවතින දිගුකාලීන මිත්‍රත්වය තවදුරටත් ශක්තිමත් කිරීමට හැකිවීම සම්බන්ධයෙන් මෙහිදී දීර්ඝ ලෙස සාකච්ඡා ලක්කරන ලදී.

රනිල් තමයි මාව දේශපාලනයට ගෙනාවේ එයා හිරේ යද්දී මම ගොඩක් දුක්වුණා - සරත් ෆොන්සේකා කට අරී

විශේෂයෙන්ම ශ්‍රී ලංකා - කියුබානු පාර්ලිමේන්තු මිත්‍රත්ව සංගමය ගොඩනැගීමත්, එක්සත් ජාතීන්ගේ සංවිධානය තුළදී කියුබාව සම්බන්ධයෙන් ශ්‍රී ලංකාව කටයුතු කළ ආකාරය සම්බන්ධයෙනුත් මෙහිදී තානාපති අන්ද්‍රේස් මාර්සෙලෝ ගොන්සාලෙස් ගොරිඩෝ මහතා සිය විශේෂ ස්තුතිය පළ කර තිබේ.

වත්මන් කියුබානු තානාපති අන්ද්‍රේස් මාර්සෙලෝ ගොන්සාලෙස් ගොරිඩෝ මහතා මෙරට සේවය අවසන් කර යළි කියුබාව බලා යාම පිළිබඳව ටිල්වින් සිල්වා මහතා විසින් සුභාශිංසන එක් කළ අතර ඔහුගේ ඉදිරි කටයුතු සාර්ථක කරගැනීමටද සුබ පැතුම්ද එක් කළේය. 

අස්වැසුම හා තවත් දීමනා තොරතුරු රැසක් නිවේදනය කරයි