කොළඹ අයවැය ආයෙත් ඇවිලෙයි - ආණ්ඩුවෙන් සල්ලි දීලා සභාවට එන්න එපා කියලා

බදාදා දින දෙවන වරට ඉදිරිපත් කිරීමට නියමිත කොළඹ මහා නගර සභාවේ අයවැය සම්මත කර ගැනීමට, විපක්ෂ මන්ත්‍රීවරුන්ට මුදල් ලබා දී එදින සභා වාරයට සහභාගී වීම වැළැක්වීමට පාලක ජාතික ජන බලවේගය උත්සාහ කරන බවට චෝදනා එල්ල වී ඇත.

ඒ අනුව සමගි ජන බලවේගයේ පාර්ලිමේන්තු මන්ත්‍රී මුජිබර් රහමන් මහතා විසින් විපක්ෂ මන්ත්‍රීවරුන් සභා වාරය වර්ජනය කිරීමට පෙළඹවීම හරහා සූක්ෂ්ම ලෙස අයවැය සම්මත කර ගැනීමට පාලක පක්ෂය උත්සාහ කරන බව පවස‍යි.

තවද "සමහර විපක්ෂ මන්ත්‍රීවරුන් සභාවට පැමිණීම වැළැක්වීම පිටුපස යම් අදිසි හස්තයක් ක්‍රියාත්මක වනවා. මෙය වැළැක්වීමට අපි අවශ්‍ය පියවර ගන්නවා," යනුවෙන් ඔහු සඳහන් කළා.

ගාල්ල මහ නගර සභාවේ උණුසුම් තත්ත්වයක්

ඊට අමතරව කොළඹ මහා නගර සභාවේ විපක්ෂ මන්ත්‍රී රෝයි බෝගහවත්ත මහතා ද පාලක පක්ෂයේ ක්‍රියාකලාපය විවේචනයට ලක් කර ඇත.

ඒ අනුව ඔහු චෝදනා කරන්නේ ජනාධිපති අනුර කුමාර දිසානායක මහතා විපක්ෂයේ සිටියදී දේශපාලන මාරුවීම් දැඩි ලෙස විවේචනය කළද, වර්තමාන නගරාධිපතිනී ව්‍රායි කැලි බල්තසාර් මහත්මිය පත් කර ගැනීමේදී විපක්ෂ මන්ත්‍රීවරුන්ගේ සහය ලබා ගත්තේ ඔහුගේම පක්ෂය බවටයි.

කෙසේ වෙතත් මෙම චෝදනා ප්‍රතික්ෂේප කරමින් නියෝජ්‍ය නගරාධිපති හේමන්ත වීරකෝන් මහතා සඳහන් කළේ අයවැය මඟින් නගර වැසියන්ට ලබා දීමට නියමිත සහන අවහිර කිරීමට විපක්ෂය මෙවැනි පදනම් විරහිත චෝදනා නගන බවටයි.

එබැවින් නියෝජ්‍ය නගරාධිපතිවරයා අවධාරණය කළේ "විපක්ෂ මන්ත්‍රීවරුන්ට මුදල් ලබා දෙන බවට එල්ල වන චෝදනා සම්පූර්ණයෙන්ම අසත්‍යයි. ඔවුන් උත්සාහ කරන්නේ මේ සහනදායී අයවැය කඩාකප්පල් කරන්නයි" යනුවෙන්.

මතුගම ප්‍රාදේශීය සභාවේ සභාපතිගෙන් ලේකම්වරියට ප්‍රහාරයක්

අත්අඩංගුවට ගත් මාලිමා ප්‍රාදේශීය සභා සභාපතිට ඇප මත