පොල් මිල එක පාරටම උඩ යයි

දිවයිනේ ඇතැම් ප්‍රදේශවල පොල් ගෙඩියක සිල්ලර මිල රුපියල් 230 ක් දක්වා ඉහළ ගොස් ඇති බව හෙක්ටර් කොබ්බෑකඩුව ගොවි කටයුතු පර්යේෂණ හා පුහුණු කිරීමේ ආයතනයේ නවතම වාර්තාවකින් හඳාලා දක්වා ඇත.

සුපිරි වෙළෙඳසැල් රැසකදී ලොකු පොල් ගෙඩියක් රුපියල් 196 සිට 230 දක්වා මිලකට අලෙවි වෙමින් පවතී. සිල්ලර වෙළෙඳපොළේ සාමාන්‍ය මිල රුපියල් 200 සිට 210 දක්වා වැඩි වී ඇති අතර, කුඩා පොල් ගෙඩියක මිල රුපියල් 170 සිට 195 දක්වා ඉහළ ගොස් තිබේ.

ලක්ෂ තුනකට වැඩියෙන් මිල බැස්ස අද රන්මිල මෙන්න නැග්ග වේගෙන් බැහැපු රත්තරන්

පසුගිය වසරේ සමාන කාලයට සාපේක්ෂව ලොකු පොල් ගෙඩියක සිල්ලර මිල සියයට 50කින්, කුඩා ගෙඩියක මිල සියයට 64කින් වැඩි වී ඇත.  

බිත්තර නිෂ්පාදනයට රුපියල් 31ක් යනවා - නිෂ්පාදකයන්ගේ සංගමය

තොග වෙළෙඳපොළේ ලොකු පොල් ගෙඩියක මිල රුපියල් 175 සිට 185 දක්වා ඉහළ ගොස් ඇති අතර, මෙය පසුගිය වසරට සාපේක්ෂව සියයට 41ක වැඩිවීමකි.

වත්මන් තත්ත්වය පොල් අස්වැන්න අඩුවීම, අතරමැදි වෙළෙඳුන්ගේ කෘත්‍රිම මිල ඉහළ දමාගැනීම් සහ ගෝලීය ඉල්ලුම ඉහළ යාම නිසා මිල තවමත් ඉහළ මට්ටමක පවතී. මැයි-ජුනි මාසවල අස්වැන්න ගෙඩි මිලියන 555ක් පමණක් වූ අතර, 2025 ජනවාරි-අප්‍රේල් කාලයේදී පොල් හිඟයක් ඇතිවීමට ගොවිපත් කමිටුව පුරෝකථනය කර ඇත. ජුනි 2025 වන විට සිල්ලර මිල රු. 200-250 දක්වා වාර්තා වී ඇත.

රජය පොල් වෙන්දේසිවලින් ලබාගන්නා තොග සංතාස හරහා සහන මිලට ජනතාවට ලබාදීමට එකඟ වී ඇති අතර, අක්කර 5ට අඩු පොල් වතු හිමියන්ට පොහොර සහනාධාර ලබාදෙනු ලැබේ. මෙම තත්ත්වය ජනතාවගේ ගෘහ වියදම් වැඩි කර ඇති බැවින් රජයේ මැදිහත්වීම අත්‍යවශ්‍ය යැයි ලංකා පොල් කර්මාන්ත මණ්ඩලය පවසයි.

උඹ දන්නවනේ සනාට වෙච්ච දේ - මාලිමාවේ සභාපති කෙනෙක්ටත් මරණ තර්ජන