සීනි කිලෝවක මිල ඉහළට.. ඉන්දියාව ගත්ත හදිසි තීරණය නිසා ලංකාවට වෙන දේ මෙන්න

රටේ දේශීය පරිභෝජනයට අවශ්‍ය මුළු සීනි ප්‍රමාණයෙන් ආසන්න වශයෙන් සියයට 63ක් ඉන්දියාවෙන් ආනයනය කෙරේ.

මේ තත්ත්වය යටතේ, පුරකෝට්ටායේ තොග වෙළෙඳුන් පවසන්නේ පසුගිය 15 වන දින සිට ඉන්දියාව සීනි අපනයනය තාවකාලිකව නවතා ඇති බවත්, ඒ හේතුවෙන් දේශීය වෙළෙඳපොළ තුළ සීනි මිල ඉහළ යාමේ අවදානමක් පවතින බවත්ය.

මැදපෙරදිග යුද තත්ත්වය සහ එල් නිනෝ දේශගුණික බලපෑම් හේතුවෙන් සැප්තැම්බර් 30 වන දින දක්වා ඉන්දියාව සීනි අපනයනය සඳහා තාවකාලික සීමා පනවා ඇති බවද වාර්තා වේ.

මුලින් නිකන් දුන්නට පස්සේ බදු ගෙවන්නන්ට කෝටි ගණනින් කෙළවෙන ලකුණු.. ලංකාවේ අලුත් ඊ-පාස්පෝට් ගිවිසුමේ තිත්ත ඇත්ත

ශ්‍රී ලංකාවේ මාසික සීනි පරිභෝජනය මෙට්‍රික් ටොන් 60,000ක් පමණ වේ. පැලවත්ත සහ සෙවනගල සීනි කර්මාන්තශාලා හරහා දේශීය නිෂ්පාදනය රටේ මුළු අවශ්‍යතාවයෙන් සියයට 10ක් පමණක් බවද සඳහන් වේ.

ශ්‍රී ලංකාවට සීනි ආනයනයේ ප්‍රධාන මූලාශ්‍රය ඉන්දියාව වන අතර, එයට අමතරව එක්සත් අරාබි එමීර් රාජ්‍යය, බ්‍රසීලය සහ පෝලන්තය වැනි රටවල්ද සැපයුම්කරුවන් ලෙස කටයුතු කරයි.

අත්‍යවශ්‍ය භාණ්ඩ ආනයනකරුවන්ගේ සංගමයේ සභාපති නිහාල් සෙනෙවිරත්න මහතා පවසන්නේ විකල්ප වෙළෙඳපොළවල් හරහා සීනි ආනයනය කිරීමට පියවර ගනිමින් සිටින බවයි.

18ට වැඩි සියලුම දෙනාට විශේෂ නිවේදනයක් - මේ දේ නොකොලොත් මාස 6ක සිරදඩුවමක්

එහෙත් ඉන්දියාව පිරිපහදු කළ සීනි අපනයනය සම්පූර්ණයෙන් තහනම් කර නොමැති බැවින්, යම් මිල ඉහළ යාමක් ඇති වුවද ආනයන ක්‍රියාවලියට බාධාවක් නොමැති බවද ඔහු සඳහන් කර ඇත.

දේශීයව මෙට්‍රික් ටොන් 80,000ක් පමණ සීනි තොගව පවතින බවද ඔහු පෙන්වා දී ඇත. කෙසේ වෙතත්, තොග ප්‍රමාණ තිබුණද ඩොලරයට සාපේක්ෂව රුපියල අවප්‍රමාණය වීම සහ අනෙකුත් ආනයන වියදම් ඉහළ යාම හේතුවෙන් සීනි මිල ඉහළ යාම අනිවාර්ය විය හැකි බවද විශේෂඥයෝ පෙන්වා දෙති. 

දැයට කිරුළ ප්‍රදර්ශනයේ මිලියන 700ක් වංචාවක්.. ශිරන්තිට තවත් නඩුවක් කැරකේ