බෝම්බ සුළි කුණාටුවේ බලපෑමෙන් ගුවන් ගමන් දහස් ගණනක් අවලංගුයි

අමෙරිකාව පුරා ව්‍යාප්ත වූ දැඩි ශීත කුණාටු තත්ත්වය හේතුවෙන් එරට ගුවන් ගමන් වාර 1,200කට වැඩි ප්‍රමාණයක් අවලංගු කර තිබෙන බව විදෙස් මාධ්‍ය වාර්තා කර තිබෙනවා.

මෙම කුණාටුව (bomb cyclone ලෙස හඳුන්වනු ලබන) එක්සත් ජනපදයේ දකුණු නැගෙනහිර ප්‍රදේශවල සිට නැගෙනහිර වෙරළබඩ දක්වා දැඩි බලපෑම් එල්ල කර තිබෙන අතර, එය ප්‍රවාහනය, බලශක්ති සැපයුම් හා ජීවන තත්ත්වයන්ට බරපතල බලපෑම් ඇති කර තිබෙනවා.

ගුවන් ගමන් බලපෑම්:

• FlightAware (ගුවන් ගමන් ලුහුබැඳීමේ දත්ත සමාගම) අනුව, පසුගිය සෙනසුරාදා (ජනවාරි 31 / පෙබරවාරි 1 වැනිදා) ගුවන් ගමන් වාර 2,800කට වැඩි ප්‍රමාණයක් අවලංගු වූ අතර, ඊයේ(01) දවසේදී තවත් 1,800කට ආසන්න ගුවන් ගමන් අවලංගු වී තිබෙනවා.
• චාලට් ඩග්ලස් ජාත්‍යන්තර ගුවන්තොටුපළ (Charlotte Douglas International Airport) තුළින් පමණක් ඉරිදා දවසේදී ගුවන් ගමන් 800කට වැඩි ප්‍රමාණයක් අවලංගු වී තිබෙන බව විශේෂයෙන් සඳහන්.
• මෙම කුණාටුව හේතුවෙන් ජනවාරි අගභාගයේ සිට පෙබරවාරි මුල් භාගය දක්වා දින ගණනාවක් තුළ ගුවන් ගමන් වාර දහස් ගණනින් අවලංගු හා ප්‍රමාද වී තිබෙනවා (සමහර වාර්තාවලට අනුව සති අන්තයේදී පමණක් 10,000කට වැඩි ගුවන් ගමන් බලපෑමට ලක්ව තිබෙනවා).

මෙන්න මුහුදු ප්‍රදේශ සඳහා කාලගුණ අනාවැකිය

දලයි ලාමා පළමු ග්‍රැමී සම්මානය දිනා ගනියි