රටම බලා සිටි අගෝස්තු 15 වැනිදා මොකද වෙන්නේ..ආරක්ෂාවත් වහාම තර කරයි.!
Sewvandhi
මැතිවරණ කොමිෂන් සභා කාර්යාලය පිහිටි සරණ මාවත ආශ්‍රිත ප්‍රදේශය ,එළැඹෙන ජනාධිපතිවරණයට අදාළව නාමයෝජනා භාර ගැනෙන අගෝස්තු 15 වැනිදා විශේෂ ආරක්ෂක කලාපයක් ලෙස නම් කර තිබේ.
එබැවින්, එදිනට එම ප්‍රදේශයට රාජකාරී හෝ වෙනත් කටයුතු සඳහා පැමිණීමෙන් වළකින ලෙසට ජනතාවගෙන් ඉල්ලා සිටින බව මැතිවරණ කොමිෂන් සභාවේ සභාපති ආර්.එම්.ඒ.එල්. රත්නායක මහතා සඳහන් කළේය.
"මැතිවරණය සඳහා නාමයෝජනා භාරගැනීම මේ මස 15 වනදා පෙ.ව 9 - පෙ.ව 11 දක්වා කාලය තුළ සිදුකෙරෙනවා. එදිනම පෙ.ව 9 - පෙ.ව 11.30 දක්වා නාමයෝජනා සඳහා විරෝධතා දැක්වීමට කාලය වෙන් කරලා තියෙනවා. විශේෂයෙන්ම ඡන්ද අපේක්ෂකයින් සඳහා ස්වාධීනව ඉදිරිපත් වන හා වෙනත් පක්ෂවලින් ඉදිරිපත් වන අපේක්ෂකයින් සඳහා ලකුණු වෙන්කිරීම සිදුවන්නේ විරෝධතා කාලසීමාව අවසානයෙන් පසුවයි.
මෙම කාලය තුළ මැතිවරණ කොමිෂන් සභා කාර්යාලය පිහිටි සරණ මාවත ආශ්‍රිත කලාපයට විශේෂිත ආරක්ෂක කලාපයක් හැටියට ප්‍රකාශයට පත්කරලා තියෙනවා. එම ස්ථානයට ඇතුළු විය හැක්කේ අවසරලත් පුද්ගලයින්ට සහ අවසරලත් වාහනවලට පමණයි.
ඒ නිසා ජනතාවගෙන් ඉල්ලා සිටිනවා15 වෙනිදා දිනයේ දී සරණ මාවත ආශ්‍රිත රජයේ කාර්යාල හා රෝහල් එදින වසා තැබෙන බැවින් සාමාන්‍ය කටයුතු හෝ වෙනත් කටයුතු සඳහා පැමිණීමෙන් වළකින ලෙසය. නාමයෝජනා භාරදීමෙන් පසුව පෙළපාලි පැවැත්විය නොහැකියි. නාමයෝජනා භාරගෙන අවසන් වූ වහාම අපි ඡන්ද පත්‍රිකා මුද්‍රණ කටයුතු සිදුකරන්න බලාපොරොත්තු වෙනවා."
