“ටිල්වින්ගේ වාහනය වෙන කාටවත් නෑ” - අර්චුනා යළි කරලියට

යාපනය දිස්ත්‍රික් පාර්ලිමේන්තු මන්ත්‍රී රාමනාදන් අර්චුනා මහතා චෝදනා කරන්නේ, ජනතා විමුක්ති පෙරමුණේ (ජවිපෙ) නායකයන් බහුතරයක් දැන් V8 සුඛෝපභෝගී වාහන භාවිතා කරන බවත්, ජනාධිපතිවරයාගෙන් ආරම්භ කර ආණ්ඩුවේ බොහෝ දෙනෙකු මෙම වර්ගයේ වාහනවල ගමන් කරන බවත්ය.

ඔහු අද (12) මාධ්‍ය හමුවකදී පැවසුවේ, ජවිපෙ ප්‍රධාන ලේකම් ටිල්වින් සිල්වා මහතා භාවිතා කරන වාහනය වෙන කිසිම කෙනෙකුට නොමැති තරමට සුවිශේෂී බවයි.

අශෝක රන්වලගේ අනතුර ගැන පොලිස් විමර්ශන ඇරඹේ - බීලද කියලත් පරීක්ෂණයක්

“ජවිපෙ ආණ්ඩුව තමන් නියෝජනය කරනු ඇතැයි විශ්වාස කරන ඔවුන්ගේ පාක්ෂිකයන් මේවා දන්නේ නෑ. ඒත් ජනාධිපතිගෙන් පටන්ගෙන ජවිපෙ නායකයන් ගොඩක් දැන් පදින්නේ V8 වාහන”

යනුවෙන් මන්ත්‍රීවරයා චෝදනා කළේය.

එකවර මන්ත්‍රී හෝ ඇමැති වූ පමණින් සුපිරි ඝනයේ වාහන අවශ්‍ය නොවන බවත්, කැබ් රථ ගෙන්වීම නතර කළ යුතු බවත් ඔහු අවධාරණය කළේය.

රන් මිල තවත් ඉහළට - පවුමක මිල රු. 339,000 දක්වා උඩ යයි

 “මට දේශපාලනය කිරීමට මෙවැනි සුඛෝපභෝගී වාහන අවශ්‍ය නෑ. ජනතාවට සේවය කිරීමට සරල ජීවන රටාවක් තමයි අවශ්‍ය”

යනුවෙන්ද රාමනාදන් අර්චුනා මහතා පැවසීය.

පසුගිය මාසයේ තම වැටුපෙන් රුපියල් ලක්ෂ හතරක මුදලකින් ජනතාවට භාණ්ඩ බෙදූ බවත්, විපතට පත් ජනතාවට මුදල් අවශ්‍ය නම් ඩයස්පෝරාවෙන් ඉල්ලා දිය හැකි බවත් ඔහු සඳහන් කළේය. කෙසේ නමුත් ආණ්ඩුව කිහිප වතාවක්ම මුදල් ඇති තරම් ඇතැයි පැවසූ නිසා එම අදහස ඉවත් කරගත් බවත් මන්ත්‍රීවරයා වැඩිදුරටත් කීය.

සර්වාංග රෝගවලට තිත තබන සිද්ධාදී වෙද මැදුර