බන්ධනාගාරයක ගින්නකින් රැඳවියන් 41 දෙනෙකු ජීවිතක්ෂයට.

ඉන්දුනීසියාවේ ජාවා දිවයිනේ පිහිටි බන්ධනාගාරයක අද අලුයම් කාලයේ සිදුවූ ගින්නකින් එහි රැඳවියන් 41 දෙනෙකු ජීවිතක්ෂයට පත්වී තිබෙනවා.

එහිදී 08 දෙනෙකු බරපතල තුවාල ලබා ඇති අතර, තවත් හැත්තෑ දෙදෙනෙකු සුළු තුවාල ලබා ඇති බවයි ජාකර්තා නුවර පොලිස් ප්‍රධානියා සඳහන් කළේ. ගින්න ඇතිවන අවස්ථාවේ රැඳවියන් නින්දේ පසුවී ඇති අතර, ගින්නට හේතුව මෙතෙක් අනාවරණ වී නැහැ.

එහෙත් එය බොහෝ දුරට විදුලි කාන්දුවක් නිසා සිදුවන්නට ඇතැයි බලධාරීන් සැක පළ කරනවා.

ජාකර්තා නුවරට තදාසන්නව පිහිටි මෙම බන්ධනාගාරයේ රැඳවියන් වැඩි දෙනෙක් මත්ද්‍රව්‍ය වැරදි සඳහා සිරගත වූවන්.