මාරක අනතුරු වැලක් - දරුවෙකු ඇතුළු 5ක් මරුට

කොළඹ අවිස්සාවේල්ල මාර්ගයේ වැල්ලම්පිටිය ප්‍රදේශයේ, කොළඹ දෙස සිට අවිස්සාවේල්ල දෙසට යාමට ගිය ත්‍රීරෝද රථයක් රියදුරුට පාලනය කල නොහැකිව මාර්ගයෙන් ඉවතට පැන, විදුලි පහන් කණුවකට ගැටී ඊයේ (26) අලුයම් කාලයේදී මාරක අනතුරක් සිදුවී තිබේ.

අනතුරෙන් ත්‍රීරෝද රථයේ පිටුපස අසුනේ ගමන් කළ පිරිමි දරුවෙකු තුවාල ලබා කොළඹ ජාතික රෝහලට ඇතුළත් කළ පසු මියගොස් ඇත.

මෙලෙස මරණයට පත්වී ඇත්තේ වයස අවුරුදු 14ක් වූ, කොතලාවල, කඩුවෙල ප්‍රදේශයේ පදිංචි දරුවෙකි.

ලබන 29 රටටම වෙන්න යන දේ - අනතුරු නිවේදන මෙන්න

ඒ වගේම ඊයේ (26) සවස් කාලයේදී ලුණුවිල පොලිස් වසමේ තුම්මෝදර බෝලවත්ත මාර්ගයේ පෙස්ටස් පෙරේරා මාවත ප්‍රදේශයේදී ලුණුවිල දෙස සිට පෙස්ටස් පෙරේරා මාවත දෙසට ධාවනය වූ යතුරුපැදියක් පැදිකරුට පාලනය කරගත නොහැකිව මාර්ගයෙන් ඉවතට පැන දුරකථන රැහැන් කණුවක ගැටී අනතුරක් සිදුවී තිබුණි.

අනතුරින් පැදිකරු තුවාල ලබා මාරවිල රෝහලට ඇතුළත් කර ප්‍රථිකාර ලබමින් සිටියදී මියගොස් ඇත. මෙලෙස මරණයට පත්වී ඇත්තේ වයස අවුරුදු 18ක් වූ මහවැව ප්‍රදේශයේ පදිංචිකරුවෙකි.

ඊයේ රාත්‍රී කාලයේදී මිද්දෙණිය පොලිස් වසමේ තලාව දෙබොක්කාව ප්‍රදේශයේදී ධාවනය වූ යතුරුපැදියක් පැදිකරුට පාලනය කරගත නොහැකිව මාර්ගයෙන් ඉවතට පැන කානුවකට වැටී සිදුවූ අනතුරින් 31 හැවිරිදි පැදිකරු තුවාල ලබා තලාව රෝහලට ඇතුලත් කිරීමේදී මියගොස් තිබුණි.

අවදානයෙන් - අද මේ ප්‍රදේශවලට ගිගුරුම් සහිත වැසි

මේ අතර ඊයේ අලුයම් කාලයේ වත්තල පොලිස් වසමේ හැඳල ඇලකන්ද මාර්ගයේ හැඳල හන්දිය අසලදී ඇලකන්ද දෙස සිට හැඳල දෙසට ධාවනය වූ යතුරුපැදියක් පැදිකරුට පාලනය කරගත නොහැකිව මාර්ගයෙන් ඉවතට පැන වෙළඳසැලක ගැටී සිදවී තිබූ අනතුරකින් පැදිකරු හා පසුපැදිකරු තුවාල ලබා රාගම රෝහලට ඇතුලත් කිරීමෙන් පසු දෙදෙනාම මියගොස් ඇති බවද පොලීසිය පවසයි.

ඔවුන් අවුරුදු 21 හා 25 යන වයස්වල පසුවන වත්තල ප්‍රදේශයේ පදංචිකරුවන් ය.