2026 වෙසක් පුන් පොහෝ දිනයේ වෙනසක් - ත්‍රෛනිකායික නාහිමිවරුන්ගෙන් ජනපතිට විශේෂ ලිපියක්

ලබන 2026 වසරේ වෙසක් පුන් පොහොය යෙදී ඇති දිනය සංශෝධනය කරන ලෙස දන්වමින් ත්‍රෛනිකායික මහානායක හිමිවරුන් විසින් ජනාධිපති අනුර කුමාර දිසානායක මහතා වෙත ලිපියක් යොමු කර ඇත.

ඒ අනුව එම ලිපියේ සඳහන්ව ඇත්තේ 2026 වසරේ මැයි මස 01 වැනි දින හා 30 වැනි යන දෙදින තුළම පසළොස්වක පොහොය දෙකක් යෙදෙන අතර දැනට රාජ්‍ය පරිපාලන අමාත්‍යාංශය මඟින් ප්‍රකාශිත දින දර්ශනයෙහි ලබන වසරේ මැයි මාසයේ 01 වැනි දින වෙසක් පුන් පොහොය දිනය ලෙසත් ලබන 30 වැනි දින අධි පොසොන් පුර පසළොස්වක පොහොය ලෙසත් යොදා ඇති බව දක්වයි.

එසේ වුවත් මැයි මස 01 වැනි දිනට විසා නැකත නොයෙදීම නිසා එම දිනය වෙසක් පුර පසළොස්වක පොහොය දිනය සේ පිළිගැනීම සම්බන්ධයෙන් මේ වන විට සමාජයේ දැඩි සංවාදයක් නිර්මාණය වී ඇති බවත් අඳාළ ලිපියේ දක්වා ඇති බව වාර්තා වේ.

ජනවාරී 31 මේ රාජ්‍ය සේවකයන්ට විශේෂ දවසක් - හේතුව මෙන්න

එබැවින් මේ සම්බන්ධව අවධානය යොමු කළ ත්‍රෛනිකායික මහා නායක ස්වාමින්ද්‍රයන් වහන්සේලා ප්‍රමුඛ ගරුතර කාරක මහා සංඝ සභාවන් සහ නැකත්කරුවන්ගේද අදහස් විමසා චිරාගත ශාසන සම්ප්‍රදායානුකූලවද විසා නැකත යෙදෙන ලබන මැයි 30 වැනි දින වෙසක් පොහෝ දිනය ලෙස යොදා ගැනීම බව තීරණය කළ බවත් එම ලිපියේ සඳහන්ව ඇති බව පවසයි.

ඒ අනුව ලබන වසරේ මැයි 30 වැනි දිනය වෙසක් පුර පසළොස්වක පොහෝ දිනය ලෙස ප්‍රකාශයට පත් කිරීම සුදුසු බවත් වෙසක් පොහෝ දිනය හා සබැඳි චිරාගත ශාසනික මෙන්ම ආගමික කර්තව්‍යන් හා රාජ්‍ය උත්සව එම මැයි මස 30 වැනි දින යොදා ගැනීමට අදාළ රාජ්‍ය නිලදාරීන් වෙත උපදෙස් ලබා දෙන ලෙසත් මහානායක ස්වාමින්වහන්සේලා විසින් නිකුත් කළ අඳාළ ලිපියේ වැඩිදුරටත් දක්වා තිබෙනවා.   

සේවක අර්ධසාධක අරමුදල සම්බන්ධයෙන් විශේෂ දැනුම්දීමක්

සේවා රැසක් අත්‍යවශ්‍ය සේවා ලෙස තවදුරටත් නම් කරයි