ෆේස්බුක් හිතවත්කමකින් මාතර කාන්තාවකට වෙච්ච දේ

ෆේස්බුක් ඔස්සේ කාන්තාවක සමග සුහදතාවක් ඇති කරගෙන මුදල් වංචාවක් සිදු කර ඇති විදේශිකයෙකු පොලිස් පරිගණක අපරාධ කොට්ඨාසය මගින් අත්අඩංගුවට ගෙන තිබේ.

පොලිස් මාධ්‍ය ප්‍රකාශක, ජ්‍යෙෂ්ඨ පොලිස් අධිකාරි නිහාල් තල්දූව මහතා සඳහන් කළේ, ඊයේ (ඔක්.15) දින අත්අඩංගුවට ගත් සැකකාර විදේශිකයා ඩොලර් පාර්සලයක් හිමිවන බව පවසා අදාළ කාන්තාවගෙන් රු. 129,000ක මුදලක් වංචනිකව ලබාගෙන ඇති බවය.

පොලිස් මාධ්‍ය ප්‍රකාශකවරයා වැඩිදුරටත් සඳහන් කළේ, අදාළ කාන්තාව මාතර ප්‍රදේශයේ පදිංචිකාරිනියක වන බවත් 33 හැවිරිදි සැකකරු ගල්කිස්ස ප්‍රදේශයේ රෙදිපිළි ව්‍යාපාරිකයෙකු ලෙස පෙනී සිට ඇති බවත් ය.