මරණයෙන් කෙලවර වුණු හැඩැති සිරුරක සිහිනය..(VIDEO)
Piyumika
ඉන්දුනීසියාවේ ව්‍යායාම් ශාලාවක තුන්වන මහලේදී ට්‍රෙඩ්මිල් එකකින් ව්‍යායාම කරමින් සිටි තරුණියක් ජනේලයකින් වැටී හදිසි අනතුරකින් ජීවිතක්ෂයට පත්ව ඇත.
ජූනි 18 වැනි අඟහරුවාදා පස්වරු 1 ට පමණ ඉන්දුනීසියාවේ බටහිර කලිමන්තාන් ප්‍රාන්තයේ පොන්ටියානාක් ප්‍රදේශයේ මෙම සිදුවීම සිදුව ඇති බවයි විදෙස් මාධ්‍ය වාර්තා කර සිටියේ.
22 හැවිරිදි තරුණිය තුවායෙන් මුහුණ පිසදැමීමට නතර වීමට පෙර ට්‍රෙඩ්මිල් එකක් මත දුවන අයුරු දැක්වෙන සිද්ධියේ වීඩියෝවක් අන්තර්ජාලයට නිකුත් වී තිබෙන අතර කෙසේ වෙතත්, ඇයට සමතුලිතතාවය නැති වී, පසුපසට ඇද වැටී විවෘතව තිබූ ජනේලයෙන් පිටතට ඇද වැටුණු බවයි වාර්තා වනුයේ.
තට්ටු තුනක් පහතට වැටීමට පෙර ඇය ජනේල රාමුව මතට අල්ලා ගැනීමට දැඩි උත්සාහයක් ගෙන තිබේ .
හිසට බරපතළ තුවාල සිදු වූ ඇය වහා රෝහල් ගත කළ ද ජීවිතය බේරා ගැනීමට වෛද්‍යවරුන්ට නොහැකි වී තිබේ .
පශ්චාත් මරණ පරීක්ෂණයෙන් හෙළි වූයේ ඇයගේ හිසට විශාල තැලීම් සහ තුවාල සිදුවී ඇති බවයි.
මෙම ට්‍රෙඩ්මිල් එක සහ ජනේලය අතර දුර සෙන්ටිමීටර 60ක් පමණක් බව පරීක්ෂණයකින් හෙළි වී ඇති අතර ට්‍රෙඩ්මිල් එක පිහිටා තිබීම අනතුරුදායක තත්ත්වයක් නිර්මාණය කළ බවයි පොලිසිය සඳහන් කරනුයේ.
ව්‍යායාම් ශාලාවේ ජිම් යන්නන්ට ජනෙල් විවෘත නොකරන ලෙස දන්වා අනතුරු ඇඟවීමේ ස්ටිකරයක් අලවා තිබුණද එම ස්ටිකරයට හානි සිදුව ඇති බවද වාර්තා වේ.
ව්‍යායාම් ශාලාවේ හිමිකරුගෙන් ප්‍රශ්න කළ විට, ඔහු කියා සිටියේ තමාට දර්ශනය අවහිර කිරීමට අවශ්‍ය නැති නිසා ට්‍රෙඩ්මිල් වල පිටුපස ජනේල දෙසට මුහුණ ලා ඇති බවයි.
විවෘත ජනේල වැසීමට පුද්ගලික පුහුණුකරුවන් සිටින අතර, සිද්ධිය සිදු වූ විට එක් අයෙකු විවේක ගනිමින් සිට තිබේ .
ව්‍යායාම් ශාලාවේ නොසැලකිලිමත්කම සම්බන්ධයෙන් දැන් විමර්ශනය කෙරෙන අතර එහි මෙහෙයුම් බලපත්‍රය ද නැවත පරීක්ෂා කරන බවයි බලධාරින් පවසා ඇත .
