ප්‍රාදේශීය සභාවක තාක්ෂණික නිලධාරියෙකු අල්ලස් දැලේ

වත්තල ප්‍රාදේශීය සභාවේ වැලිසර උප කාර්යාලයේ තාක්ෂණික නිලධාරියෙකු අල්ලස් චෝදනා මත අත්අඩංගුවට ගෙන ඇත.

ඒ අනුව රාගම ප්‍රදේශයේ පදිංචි පුද්ගලයෙකු විසින් සිදුකරන ලද පැමිණිල්ලකට අනුව මෙම අත්අඩංගුවට ගැනීම සිදු කර තිබේ.

තවද ඊයේ(07) දින අල්ලස් කොමිසම විසින් එම නිළධාරියා මෙලෙස අත්අඩංගුවට ගනු ලැබුවේ එම තාක්ෂණික නිලධාරියා රුපියල් 50,000ක අල්ලසක් ඉල්ලා සිටීම සම්බන්ධයෙනි.

එම පැමිණිලිකරු විසින් අනුමත කර ගැනීම සඳහා ඉදිරිපත් කරන ලද ගොඩනැගිලි සැලැස්මේ අඩුපාඩු පෙන්වා එම අඩුපාඩු නොසලකා සැලැස්ම අනුමත කර දීමට අවශ්‍ය කටයුතු සිදුකර දීම සඳහා අල්ලස් ලෙස රුපියල් 50,000ක මුදලක් මෙලෙස ඉල්ලා ඇති බව වාර්තා වේ.

මෙලෙස අත්අඩංගුවට ගත් සැකකරු කොළඹ ප්‍රධාන මහෙස්ත්‍රාත් අධිකරණය වෙත ඉදිරිපත් කිරීමට නියමිතය.  

ඔබත් අවදානමට ලක්ද? ගැබ්ගෙල පිළිකා ගැන සෞඛ්‍ය අංශයෙන් දැඩි අනතුරු ඇඟවීමක්

මේ ආණ්ඩුවත් EPF එකට අත තියයිද? පනතේ සංශෝධන රැසක් ළඟදීම… මහින්දම කියයි