"ශ්‍රී ලංකාව සෙල්ලමකට ගන්න එපා!" – ඉන්දීය ක්‍රිකට් දැවැන්ත සුනිල් ගාවස්කාර් හිතන්නෙවත් නැති අනතුරු ඇඟවීමක් කරයි

ඉන්දියාව සහ ශ්‍රී ලංකාව අතර පැවැත්වීමට නියමිත තීරණාත්මක ද්විත්ව ටෙස්ට් තරගාවලියට පෙර, ශ්‍රී ලංකා කණ්ඩායම සුළුකොට නොසලකන ලෙස ඉන්දීය ක්‍රිකට් දැවැන්තයෙකු වන සුනිල් ගාවස්කාර් ඉන්දීය කණ්ඩායමට දැඩි ලෙස අවවාද කර ඇත.

ඔහු පෙන්වා දී ඇත්තේ මව්බිමේදී ශ්‍රී ලංකා කණ්ඩායම ඉතා ප්‍රබල ප්‍රතිවාදියෙකු වන බැවින් මෙම තරගාවලිය පහසු නොවනු ඇති බවයි අගෝස්තු 15 වනදා ආරම්භ වන මෙම තරගාවලිය, ලෝක ටෙස්ට් ශූරතා අවසන් මහා තරගයට සුදුසුකම් ලැබීමේ ඉන්දීය අපේක්ෂා සාර්ථක කරගැනීම සඳහා අතිශයින් වැදගත්ය  

මෙම ටෙස්ට් තරග දෙකම ජයග්‍රහණය කිරීම නව ටෙස්ට් තරග වාරයට මෙන්ම ලෝක ටෙස්ට් ශූරතා අවසන් මහා තරගයට පිවිසීමට කණ්ඩායමට අවශ්‍ය වන දැවැන්ත ජවයක් ලබා දෙනු ඇති බව "Sportstar" සඟරාව වෙත අදහස් දක්වමින් ගාවස්කාර් සඳහන් කර තිබේ .

නවීන ක්‍රීඩා පාවහන් සහ පුහුණු තාක්ෂණයටත් බිඳ දැමිය නොහැකිවු මීටර් 800 ලෝක වාර්තාවේ අභිරහස

ඕනෑම ක්‍රීඩකයෙක් කෙතරම් විශිෂ්ටයෙකු වුවද, පුද්ගලික අවශ්‍යතාවලට වඩා සැමවිටම ඉන්දීය ක්‍රිකට් ක්‍රීඩාවට මුල්තැන දිය යුතු බව ඔහු අවධාරණය කර තිබේ

ශුබ්මන් ගිල්ගේ නායකත්වයෙන් යුත් ඉන්දීය කණ්ඩායම මේ වන විට ලෝක ටෙස්ට් ශූරතා ප්‍රසාද ලකුණු සටහනේ 48.15ක ප්‍රතිශතයක් සමඟ 5 වැනි ස්ථානයේ පසුවන අතර, ශ්‍රී ලංකා කණ්ඩායම 41.67ක ප්‍රතිශතයක් සමඟ 6 වැනි ස්ථානයේ සදහන් කර ඇත.

එ තරගාවලියේ ප්‍රතිඵල මත ඉන්දීය කණ්ඩායමේ ලෝක ටෙස්ට් ශූරතාවලියේ ප්‍රසාද ලකුණු සටහනට විශාල බලපෑමක් එල්ල වනු ඇත. 2-0ක ජයක්- ඉන්දියාවේ ප්‍රතිශතය 57.58 දක්වා ඉහළ යනු ඇත.

1-1ක ජය පරාජයෙන් තොර වීමක් - ඉන්දියාවේ ප්‍රතිශතය 48.48ක් ලෙස රඳවා ගනී. 0-2ක පරාජයක් - ඉන්දියාවේ ප්‍රතිශතය 39.39 දක්වා පහත වැටෙන අතර, ශ්‍රී ලංකාව 61.11ක ප්‍රතිශතයක් සමඟ 4 වැනි ස්ථානයට උසස් වනු ඇත.

ඉන්දියාවට ඉදිරියේදී නවසීලන්තය සහ ඔස්ට්‍රේලියාව සමඟද ටෙස්ට් තරගාවලිවලට මුහුණ දීමට සිදුව ඇති බැවින්, ශ්‍රී ලංකා සංචාරයේදී ප්‍රසාද ලකුණු අහිමි කර නොගැනීම ඉන්දියාවට අතිශයින් වැදගත්  බව ඔහු අවධාරණය කර තිබේ      .