මධුරෝගෙන් පසු කියුබා රජයට ට්‍රම්ප්ගෙන් රතු එළියක්

එක්සත් ජනපද රාජ්‍ය ලේකම් මාර්කෝ රුබියෝ මහතා වෙනිසියුලානු ජනාධිපති නිකොලස් මධුරෝ සහ ඔහුගේ බිරිඳ සීලියා ෆ්ලෝරස් අත්අඩංගුවට ගැනීමෙන් දිනකට පසු කියුබානු රජයට දැඩි අනතුරු ඇඟවීමක් කර තිබේ.

NBC News හි "Meet the Press" වැඩසටහනේදී රුබියෝ මහතා පැවසුවේ, කියුබානු නායකත්වය "ගොඩක් කරදරයක" සිටින බවයි. මධුරෝගේ ආරක්ෂාවට සහ බුද්ධි අංශවලට කියුබානුවන් සම්බන්ධ බව චෝදනා කරමින් ඔහු කියා සිටියේ, "කියුබානු රජය ගොඩක් විශාල ගැටලුවක්" බවයි.

ජනවාරි 3 වැනිදා එක්සත් ජනපද හමුදා මෙහෙයුමකින් මධුරෝ අත්අඩංගුවට ගෙන නිව්යෝක්හිදී නඩු පැවරීමට සැලසුම් කර ඇති බව වාර්තා වේ. මෙම මෙහෙයුමෙන් පසු මාර්ලගෝහි පැවති මාධ්‍ය හමුවකදී ජනාධිපති ඩොනල්ඩ් ට්‍රම්ප් මහතාද කියුබාව "අසාර්ථක රාජ්‍යයක්" ලෙස හඳුන්වමින්, එය පිළිබඳව සාකච්ඡා කිරීමට සිදුවන බව පැවසීය.

රුබියෝ මහතා වැඩිදුරටත් කියා සිටියේ, "හවානාහි රජයේ සිටින කෙනෙකු නම් ටිකක් හෝ සැකයක් ඇති වෙනවා" යනුවෙනි. කියුබානු බුද්ධි අංශ මධුරෝගේ ආරක්ෂාවට සහ බුද්ධි කටයුතුවලට සම්බන්ධ බව ඔහු චෝදනා කළේය.

වෙනිසියුලාවේ අර්බුදයට චීනයෙන් ඇමරිකාවට සැර ඉල්ලීමක්

කියුබානු ජනාධිපති මිගුවෙල් ඩයස්-කැනෙල් මහතා මෙම මෙහෙයුම "අපරාධකාරී" ලෙස හෙළා දකිමින්, එක්සත් ජනපදයේ ක්‍රියාකලාපය කලාපීය ස්ථායිතාවට තර්ජනයක් බව පැවසීය. කෙසේ වෙතත්, කියුබානු රජය රුබියෝගේ ප්‍රකාශයන්ට තවමත් ප්‍රසිද්ධියේ ප්‍රතිචාර දක්වා නැත.

මෙම ප්‍රකාශයන් නිසා කියුබාව ට්‍රම්ප් පරිපාලනයේ ඊළඟ ඉලක්කය විය හැකි බවට ජාත්‍යන්තර මට්ටමින් අනුමාන කෙරේ. ලතින් ඇමරිකානු කලාපයේ එක්සත් ජනපද බලපෑම යළි ස්ථාපිත කිරීමේ මෙහෙයුමක් ලෙස මෙම සිදුවීම් සැලකෙන අතර, කලාපයේ ආතතිය තවදුරටත් ඉහළ දැමීමට හේතු වී තිබේ.

මදුරෝ රකින්න ජවිපෙ පෙරට ආපු එකත් රජයේ ස්ථාවරයත් ඇමති විජිත පැහැදිලි කරයි

අද ලග්න රැසකට වාසනාව ගෙනෙන සුපිරි ග්‍රහ යෝගයක් - සුබ ලග්න මෙන්න