රනිල්ගේ ඉදිරි ප්‍රතිකාර ගැන එජාපයෙන් නිවේදනයක් කරද්දීම රනිල් ළඟ සිටි බන්ධනාගාර නිලධාරීන් රෝහලෙන් පිටව යයි

කොළඹ කොටුව මහෙස්ත්‍රාත් අධිකරණය විසින් අද (26) දින හිටපු ජනාධිපති රනිල් වික්‍රමසිංහ මහතා ඇප මත මුදාහැරීමට නියෝග කර ඇත.

මෙම තීන්දුවට අනුව, රුපියල් ලක්ෂ 50 බැගින් වූ ශරීර ඇප තුනක් යටතේ ඔහුව මුදාහැර ඇති අතර, එම ඇප කොන්දේසි සපුරාලීමෙන් අනතුරුව බන්ධනාගාර නිලධාරීන් විසින් රෝහලෙන් පිටව ගොස් ඇති බව අප ගගන වාර්තාකරුවන් පවසයි.

මේ අතර, එක්සත් ජාතික පක්ෂය (UNP) විසින් හිටපු ජනාධිපති රනිල් වික්‍රමසිංහ මහතාගේ ඉදිරි ප්‍රතිකාර සම්බන්ධයෙන් නිවේදනයක් නිකුත් කර තිබේ.

රනිල්ට ඇප ලැබුණු ඇත්තම හේතු මෙන්න

එම නිවේදනයට අනුව, රනිල් වික්‍රමසිංහ මහතා ඉදිරි දින කිහිපය තුළ කොළඹ ජාතික රෝහලේදී වෛද්‍ය ප්‍රතිකාර ලබා ගැනීමට නියමිතව ඇත.

එක්සත් ජාතික පක්ෂය විසින් නිකුත් කළ මෙම නිවේදනයේ වැඩිදුර විස්තරවලට අනුව, හිටපු ජනාධිපතිවරයාගේ සෞඛ්‍ය තත්ත්වය සම්බන්ධයෙන් අවධානය යොමු කරමින්, ඔහුගේ ප්‍රතිකාර කටයුතු ජාතික රෝහලේ විශේෂඥ වෛද්‍යවරුන් යටතේ සිදු කිරීමට කටයුතු යොදා ඇත.

හිටපු ජනපති රනිල්ගේ සියලු රෝග සම්බන්ධ වාර්තා ඉදිරිපත් කෙරේ

මෙම නිවේදනය මගින් පක්ෂය විසින් රනිල් වික්‍රමසිංහ මහතාගේ සෞඛ්‍ය තත්ත්වය පිළිබඳව ජනතාව දැනුවත් කිරීමටත්, ඔහුගේ ඉදිරි ප්‍රතිකාර සඳහා අවශ්‍ය සහයෝගය ලබාදීමටත් අපේක්ෂා කර ඇති බව සඳහන් වේ.