නොරොච්චෝල දළුව මෝයේ අවාසනාවන්ත සිදුවීමක් - තරුණියන් දෙදෙනෙකු සහ තරුණයෙකු මරුට
පුත්තලම, නොරොච්චෝල ප්රදේශයේ දළුව මෝය කටේ දිය නෑමට ගිය තරුණියන් දෙදෙනෙකු සහ තරුණයෙකු අවාසනාවන්ත ආකාරයට දියේ ගිලී ජීවිතක්ෂයට පත්ව ඇති බව පොලිසිය සඳහන් කරයි.
ඒ අනුව මෙසේ මිය ගොස් ඇත්තේ වයස අවුරුදු 18 සහ 19 යන වයස්වල පසුවන තරුණියන් දෙදෙනෙකු සහ 24 හැවිරිදි තරුණයෙක් බව වාර්තා වේ.
එමෙන්ම මෙම අනතුර අද(06) දින පස්වරු 5.30ට පමණ සිදුව ඇති බව පොලීසිය පවසයි.
එසේම මියගිය තිදෙනා පුත්තලම ප්රදේශයේ පදිංචි අයවලුන් බවටද මේ වන විට කරුණු අනාවරණය වී ඇත.
කෙසේ වුවද සිද්ධිය සම්බන්ධව වැඩිදුර විමර්ශන නොරොච්චෝල පොලීසිය මඟින් සිදුකරයි.