වැටුප් වැඩිවීම් සහ ප්‍රසාද දීමනා අහිමි කරන විදුලිබල ඇමතිගේ අලුත්ම තීරණය මෙන්න.

විදුලිබල මණ්ඩල සහ ඛනිජ තෙල් සංස්ථා වෘත්තිය සමිති සහ එම ආයතනවල පාලන අධිකාරිය අතර සාමූහික ගිවිසුමෙන් ඉවත්වන ලෙස එම ආයතනවලට දැනුම් දුන් බව විදුලිබල හා බලශක්ති අමාත්‍ය කංචන විජේසේකර අද (10) ප්‍රකාශ කළා.

ඒ අනුව ඔහු කියා සිටියේ, එම ගිවිසුම් අවලංගු කිරීම වෙනුවෙන් වූ ක්‍රියාමාර්ග ආරම්භ කරන ලෙස තමන් විදුලි බල හා බලශක්ති අමාත්‍යාංශ ලේකම්වරයාට උපදෙස් දුන් බවයි.

අදාල සාමූහික ගිවිසුම් අනුව එම ආයතන දෙකේ සේවකයන් වෙනුවෙන් වසර තුනකට සැරයක් වැටුප් වැඩිවිමක්, වාර්ෂික ප්‍රසාද දීමනා, වෙනත් දීමනා හා තවත් ප්‍රතිලාභ ගණනාවක් ලැබෙන බවයි අමාත්‍යවරයා වැඩිදුරටත් සඳහන් කළේ.