'ඇසිදිසි' ජනමාධ්‍ය ශිෂ්‍යත්ව පිරිනැමීමේ උත්සවය සිකුරාදා

සෞඛ්‍ය අමාත්‍යාංශයේ ජනමාධ්‍ය අංශය විසින් වාර්ෂිකව සංවිධානය කරනු ලබන 'ඇසිදිසි' ජනමාධ්‍ය ශිෂ්‍යත්ව පිරිනැමීමේ උත්සවය 22 වැනිදා සෞඛ්‍ය හා ජනමාධ්‍ය අමාත්‍ය නලින්ද ජයතිස්ස මහතාගේ ප්‍රධානත්වයෙන් ජනමාධ්‍ය අමාත්‍යාංශ ශ්‍රවණාගාරයේදී පැවැත්වීමට සැලසුම් කර තිබේ.

මෙම ව්‍යාපෘතියේ මූලික අරමුණ වන්නේ 21 වැනි සියවසේ ජනමාධ්‍ය ක්ෂේත්‍රයේ ඇතිවන අභියෝගවලට මුහුණ දීමට සූදානම් වන මාධ්‍යවේදීන්ට ඔවුන්ගේ වෘත්තීය කුසලතා හා දැනුම වර්ධනය කරගැනීමට අවස්ථා සැලසීම සහ ඒ සඳහා ඔවුන් තුළ උනන්දුවක් ඇති කිරීමයි.

කෝටි 2ක කෑම බිලක්? මැතිසබේ ආහාර වියදම් මෙන්න

මෙම ශිෂ්‍යත්ව යෝජනා ක්‍රමය රජය විසින් නොමිලයේ ලබාදෙන අතර, එමඟින් මාධ්‍යවේදීන්ට ඔවුන්ගේ වෘත්තීය ගමන්මඟ තවදුරටත් ශක්තිමත් කිරීමට අවස්ථාව ලැබේ.

මෙම ශිෂ්‍යත්වය සඳහා අයදුම් කිරීමට නම්, මෙරට විද්‍යුත් හෝ මුද්‍රිත මාධ්‍ය ආයතනවල පූර්ණකාලීන හෝ අර්ධකාලීන පදනම මත වසර තුනක සේවා කාලයක් සපුරා ඇති, වයස අවුරුදු 18ත් 55ත් අතර මාධ්‍යවේදීන් විය යුතුය. එම ශිෂ්‍යත්වය ආපසු ගෙවීමකින් තොරව ලබාදෙන අතර, පශ්චාත් උපාධි, උපාධි, උසස් ඩිප්ලෝමා, ඩිප්ලෝමා, සහ සහතික පත්‍ර පාඨමාලා සඳහා උපරිම රුපියල් ලක්ෂ දෙකක මුදලක් යටතේ මූල්‍ය ආධාර ලබාදේ. මෙම ආධාරය මඟින් මාධ්‍යවේදීන්ට ජනමාධ්‍ය, පුහුණුව, හෝ ඊට අදාළ වෙනත් පාඨමාලා හැදෑරීමට අවස්ථාව හිමිවේ.

මාලිමා ඇමති කුමාර ජයකොඩි ධූරයෙන් ඉවතට? මහින්දගෙන් පෝස්ටුවක්

'ඇසිදිසි' ශිෂ්‍යත්ව යෝජනා ක්‍රමය යටතේ එක් මාධ්‍යවේදියකුට දෙවරක් ප්‍රතිලාභ ලබාගැනීමට අවස්ථාව හිමිවේ. පළමු වරට ශිෂ්‍යත්වය ලබාගත් මාධ්‍යවේදියකු, තම පාඨමාලාව සාර්ථකව අවසන් කර වසර පහක් ඉක්ම ගිය පසු, දෙවැනි වරට අයදුම් කිරීමට සුදුසුකම් ලබයි.

මෙමඟින් මාධ්‍යවේදීන්ට ඔවුන්ගේ දැනුම හා කුසලතා යාවත්කාලීන කිරීමට අවස්ථාව ලැබෙන අතර, එය ජනමාධ්‍ය ක්ෂේත්‍රයේ ගුණාත්මකභාවය ඉහළ නැංවීමට ද උපකාරී වේ. අගෝස්තු 22 වැනිදා ජනමාධ්‍ය අමාත්‍යාංශ ශ්‍රවණාගාරයේදී පැවැත්වෙන මෙම ශිෂ්‍යත්ව පිරිනැමීමේ උත්සවයට සෞඛ්‍ය හා ජනමාධ්‍ය අමාත්‍යාංශ ලේකම් වෛද්‍ය අනිල් ජාසිංහ මහතා ද සහභාගි වීමට නියමිතය.

නාමල් රාජපක්ෂට යකා නගී - ඔයා කරපු දේ රටම දන්නවා මේ වගේ වැඩ කරන්නෙපා

මෙම උත්සවය ශ්‍රී ලංකාවේ ජනමාධ්‍ය ක්ෂේත්‍රයේ වෘත්තිකයන්ගේ දක්ෂතා හා කුසලතා වර්ධනය කිරීම සඳහා රජය ගන්නා උත්සාහයේ තවත් එක් පියවරක් ලෙස සැලකිය හැකිය.

Shakira වහ කනවා මේක දැක්කා නම්, හැමෝම පියුමි ශකීරා වගේ කියද්දි හැමෝටම හික් ගෑවෙන්න එයා දුන්න උත්තරේ