දිවි ගමනට සමුදුන් ටෙනිස් තරුව ..(PHOTOS)
Piyumika
1950 සහ 1960 ගණන්වල ඉතාලි ටෙනිස් තරුවක් වූ ලී පෙරිකොලී (Lea Pericoli) ජීවිතක්ෂයට පත්ව තිබෙනවා.
ජීවිතක්ෂයට පත්වන විට ඇගේ වයස අවුරුදු 89.
ඇය ප්‍රංශ විවෘත ටෙනිස් තරගාවලියේ අවසන් 16 දෙනා අතරට දෙවරක් ද විම්බල්ඩන් ශූරතාවලියේ තුන් වතාවක් ද පැමිණි තිබෙනවා.
ඇගේ මලල ක්‍රීඩා ජයග්‍රහණවලට ඉහළින්, පිහාටු සහ ලොම් වලින් සැරසුණු පෙරිකෝලිගේ තරග ඇඳුම් ඇය විලාසිතා නිරූපිකාවක් බවට පත් කළා.
1935 මාර්තු 22 වැනි දින මිලානෝ හි උපත ලද ඇය පසුව ජනප්‍රිය රූපවාහිනී නිවේදිකාවක් සහ මාධ්‍යවේදිනියක් බවට පත් වූවා.
ඉතාලි ටෙනිස් සහ පැඩෙල් සම්මේලනයේ සභාපති ඇන්ජලෝ බිනාගි ප්‍රාදේශීය මාධ්‍ය වෙත පැවසුවේ “ඇය අප සැමට තරමක් මවක් හා සමාන බවයි.
සම්මේලනයට අනුව 1959 සිට 1976 දක්වා වසර 14ක් පුරාවට Pericoli ඉතාලියේ අංක එක වූ අතර එම සංවිධානය පැවසුවේ ඇය 27 වතාවක් ජාතික ශූරියක් ද වූ බවයි.
ස්පාඤ්ඤ හිටපු අංක එකේ රෆායල් නඩාල් ද ඉන්ස්ටග්‍රෑම් හි පෙරිකෝලිගේ මරණය ගැන ශෝකය පළ කළේ "සියල්ලටම ස්තූතියි. ඔබ සැමදා අප සැමගේ මතකයේ රැඳෙනු ඇත" යනුවෙනි.
