සැඟවූ සීනි ගබඩා හිටපු ප්‍රභල ඇමතියෙක් ගෙලු...සමාජ මාධ්‍යයේ පැතිර යයි..

සීනි තොග සගවාගෙන සිටියදී හෙලිදරවු වූ සමාගමක් හිටපු ඇමති රවි කරුණානායක මහතාගේ බවට සමාජ මාධ්‍ය ඔස්සේ තොරතුරු පලවෙයි.

නමුත් තමන්ගේ සම්බන්දතා ඇති සමගම් විසින් සීනි තොග සඟවා තබාගෙන සිටියේ යැයි සමාජ ජාලයන්හි පලවන වාර්තා ප‍්‍රතික්‍ෂෙප කරන බව හිටපු අමාත්‍ය රවි කරුණානායක මහතා පවසයි.

තමන් හෝ තමන්ගේ පවුලේ කිසිවකු ශ්‍රී ලංකාවට සීනි ආනයනය නොකරන බවද ඒ මහතා පැවසූ ඔහු සමාජ ජාලයන්හි තොරතුරු විමසා බැලීමකින් තොරව පළවීම ගැන කණගාටුවන බවද කියා සිටියේය.

මේ අතර ශීඝ්‍රයෙන් ඉහළ යන ජීවන වියදම සහ උද්ධමනය පාලනය කිරීම සඳහා අත්‍යවශ්‍ය භාණ්ඩ කිහිපයකට පාලන මිලක් පැනවීමට රජය තීරණය කර තිබෙනවා.

ඒ අනුව සීනි හා සහල් සඳහා වහා ම ක්‍රියාත්මක වන පරිදි පාලන මිලක් පනවන බව යි රාජ්‍ය අමාත්‍ය ලසන්ත අලගියවන්න ඊයේ පවසා සිටියේ.

මේ අනුව පැකට්වල අසුරන ලද සීනි කිලෝවක් අලෙවි කළ හැකි උපරිම මිල ලෙස රුපියල් 130.00ක් නිර්දේශ වී තිබෙනවා.

එසේම පැකට් නො කර විකුණන සීනි කිලෝවක් අලෙවි කළ යුතු බවට නිර්දේශ වී ඇත්තේ රුපියල් 125.00කට යි.

එමෙන්ම කීරි සම්බා සහල් කිලෝවක් රුපියල් 136.00කටත්, සුදු හා රතු සම්බා කිලෝ ග්‍රෑම් එකක් රුපියල් 101.00කටත් අලෙවි කළ යුතු බවට නිර්දේශ කර ඇති අතර සුදු හා රතු කැකුළු සම්බා සහල් කිලෝවක් අලෙවි කිරීමට නිර්දේශ කර ඇත්තේ ද රුපියල් 101.00ක උපරිම මිලකට යි.

මෙම නව මිල පාලනය යටතේ රතු නාඩු කිලෝ ග්‍රෑම් එකක් අලෙවි කළ යුතු උපරිම සිල්ලර මිල ලෙස නිර්දේශ කර ඇත්තේ රුපියල් 94.00ක්.

එමෙන්ම මෙම නව නිර්දේශ යටතේ රතු කැකුළු කිලෝ ග්‍රෑම් එකක් රුපියල් 91.00ක මුදලකට අලෙවි කළ යුතු වනවා.

මෙම මිල ගණන් අනුමැතිය සඳහා මේ වන විට පාරිභෝගික කටයුතු අමාත්‍යාංශයට යොමුකර ඇතත් ඒ සඳහා වන අවසන් තීරණයක් මෙතෙක් ගෙන නැහැ.