රාජ්‍ය ආයතනයක කාර්ය මණ්ඩලය සහ කම්කරුවන් යුක්තිය ඉල්ලා පාරට බහී..

කැලිකසල ඉවත් කිරීමේ කටයුතුවල නිරතව සිටි වැලිගම ප්‍රාදේශීය සභාවේ කම්කරුවන් දෙදෙනෙකුට පහරදිමට සම්බන්ධ පුද්ගලයන් දෙදෙනා වහා අත්අඩංගුවට ගන්නා ලෙස බල කරමින් වැලිගම ප්‍රාදේශීය සභාවේ කාර්ය මණ්ඩලය සහ සනීපාරක්ෂක කම්කරුවන් එක් වී එම කාර්යාල පරිශ්‍රය ඉදිරිපිට දී අද (09) පෙරවරුවේ විරෝධතාවක නිරත වී තිබේ.

වැලිගම ප්‍රාදේශීය සභාව මගින් බල ප්‍රදේශයේ කැළි කසළ ඉවත් කිරීමේ ටැක්ටරයේ සේවය කළ සනිපාරක්ෂක කම්කරුවන් දෙදෙනෙකුට වැලිගම පොල්වතු මෝදර පාලම අසල දී කිසියම් පුද්ගලයන් දෙදෙනකු විසින් පහර දී තිබුණු අතර පහරකෑමට ලක් වූ පුද්ගලයන් දෙදෙනා වැලිගම ප්‍රාදේශීය සභාවේ රථයකින් මාතර මහ රෝහලට ඇතුළත් කළ බවට වාර්තා වේ.